Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MALAKI 3:7 - Pathien Lekhabu Inthieng (BSI)

7 “In thlatuhai hunhaia inthawkin ka thupêkhaia inthawk chun in inher hmang a, in lo pawm ta naw a. Ka kuomah hung kîr unla, kei khawm in kuomah hung kîr ka tih, sipaihai Lalpa chun a tih. Nangni hlak chun, ‘khâwtieng am hung kîr kan ta?’ in ti lem a.

အခန်းကိုကြည့်ပါ။ ကော်ပီ




MALAKI 3:7
38 ပူးပေါင်းရင်းမြစ်များ  

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.


Mi hel hmanghai ta dingin sûnnithlâkin ka bânhai ka phar hlak, chuonghai chu anni ngaituona ang peia lampui ṭha nawa fe hlakhai,


nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,


in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta naw a;


“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;


In thlatuhai Aigupta rama inthawka an hung suok nia inthawka vawisûn ni chen hin ni tin inhmatakin thoin, ka zâwlneihai ka siehlawhai po po chu an kuomah ka hung tir a;


nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.


Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.


Amiruokchu, Israel sûngkuo chu thlalêra khan ka chungah an hel a, ka thuruotahai chun an fe naw a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kânghmang dingin ka lunginsenna chu an chungah ka bunthlâk ding a nih ka ti ta a.


Nisienlakhawm, chuong thlahai chu ka chungah an hel ta rawp a, ka thuruothai chu an hraw naw a, ka rorêlhai khawm chu thaw dingin an zâwm bawk naw a; chuong chu miin a thaw chun chuonga chun hring a tih; ka châwlni khawm an sukpawrche a; chun, kei chun thlalêra an chunga ka lunginsenna chu sukpuitling dingin an chunga chun ka lunginsenna chu ka bunthlâk ding a nih ka ti a.


Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.


Nisienlakhawm, ka chungah an hel a, ka thu an ngai naw a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk naw a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bunthlâk ding a nih,’ ka ti a;


Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.


Chuleiin, nangin an kuomah, Lalpa chun, hieng hin a tih tiin hril rawh: Sipaihai Lalpa chun, ka kuomah hung kîr ro, a tih; chuongchun, in kuomah hung kîr vêng ka tih, sipaihai Lalpa chun a tih.


Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.


“In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.


“Dân inchûktirtu le Pharisai vervêkhai, in chung a rik! Thlân nâl vâr, puo tienga mawitaka inlang, a sûng tieng ruok chu mithi ruhai le hmunhnawk tinrênga siphai ang chu in nih in sawnnaw.


Chun, iengkhat kâwm vawkin an fâkhai chun insukkhawp a nuom bêk bêk a; tukhawmin iengkhawm an pêk si nawh.


Amiruokchu, Israelhai thua chun, “Mi timawhai le sêlhrâthai ta dingin, Sûnnithlâkin ka bânhai ka phar hlak kha,” a ti a.


Pathien felna hre lovin, anni felna sukdet an tum a, Pathien felnaah an inpêk lût si nawh.


Chun, kha hma khan kei dân nei lovin ka hring a; nisienlakhawm, thupêk chu a hung um phingleh suolna chu a hung har a, kei chu ka thi ta a.


An pi le puhai kuoma inkhâma ka tiem, nênetui le khuoizua luong rama chun ka ṭhuoi a, fa le dâwna an um a, an tlaia an hung thâu pha meu chun pathien danghai kuom tieng nghâng an ta, an rawnghai bâwl an ta, mi hmusit an ta, ka thuthlunghai bâwsieng an tih.


Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ