MALAKI 3:5 - Pathien Lekhabu Inthieng (BSI)

⁵ Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MALAKI 3:5 ပူးပေါင်းရင်းမြစ်များ

INṬANNA 20:11

Abraham chun, “Hi khuoa hin Pathien ṭina a um dêr naw a ni ka ring a, ka nuhmei lei hin mi sukhlum el in tih ti ka ring lei a nih.

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

JOB LEKHABU (THE BOOK OF JOB) 31:12

Bohmangna dinga kâng hmangtu mei chu a ni si a; Chu chun ka hlâwkna po po chu karphawi vawng a tih.

JOB LEKHABU (THE BOOK OF JOB) 7:2

Siehlaw, deihlim inhnar ngâwi ngâwi angin le, Inhlâwfa a hlawhai ngawt en ang el chun;

INPÂKNA HLABU 36:1

Mi rilo bawsietna chun ka lungril sûnga hin thu a hril a, “A mithmuah Pathien ṭîna hrim hrim a um nawh,” tiin.

INPÂKNA HLABU 81:8

Aw ka mihai, ngai unla, inhriettir ka ti cheu, Aw Israelhai, ka thu ngai ta ve unla chu aw!

INPÂKNA HLABU 96:13

Lalpa hmaa chun ama chu a hung ding a nih, Hnuoi ro rêl dingin a hung ding a ni si a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

FESUOKNA 1:17

Nisienlakhawm, naudawmtuhai chun Pathien an ṭi a, Aigupta lalin anni thu a pêk angin an thaw naw a, nautê pasalhai chu an sanhim lem ta a.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

FESUOKNA 22:20

“Lalpa ti chau lo pathien dang hrim hrim kuoma inthâwi chu sukbohmang dêr nîng a tih.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 57:3

Nisienlakhawm, nangni dawithiemnu naupasal, uire le nawchizawr thlahai, hitaka hin hung hnai ro.

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha naw a, an hrâtna khawm chu ân dik nawh.

JEREMIA 27:10

in rama inthawka hlataka sawnhmang ding cheuin anni chun khêlthu an hril cheu a ni si a; nangni chu ka hnawt suok cheu a, in bohmangna dingin.

JEREMIA 27:9

Nisienlakhawm, nangni chungthu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

JEREMIA 29:23

Israel rama chun invêtthlâktakin thil an thaw a, an tuolbâwmhai nuhmei le chun an uire a, ka hming sâlin ka thupêk lova khêl thu an hril leiin; chun, kei chu a hretu, a hrietpuitu chu ka nih, Lalpa chun a tih.

JEREMIA 42:5

Anni chun Jeremia kuoma chu, “Lalpa i Pathienin kan kuoma a hung tirna ang thu po pohai anga kan thaw naw chun, Lalpa chu eini laia hrietpuitu ringum le indik ni raw se.

JEREMIA 5:2

“Lalpa chu a hring zing angin,” an ti dea chu, inkhêl letdêra inkhâm el an nih.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

LEVI DÂN 19:13

“I tuolbâwmhai i hnawchêp ding a ni naw a, în rûkpêk ding a ni bawk nawh. Inhlawfa hlaw chu zânkhuoin a zînga chen i hrênpêk ding a ni nawh.

LEVI DÂN 20:10

“Mîn a tuolbâwm nuhmei a uiretpui chun, uiretupa le uirenu chu sukhlum ngei ding an nih.

LEVI DÂN 20:27

“Pasal khawm, nuhmei khawm, khawhri aisânthiem amanih, dâwithiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ti rawh,” tiin.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

HABAKKUK 1:12

Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

ZEKARIA 11:12

Chun, an kuoma chun, “In ngaia a ṭha chun ka hlaw chu mi pe unla, a ni naw chun, hrên el ro,” ka ta. Chuongchun, ka hlaw ding chun tangka sâwmthum an bûk ta a.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun Lalpa chu thuhretu a ni si a.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

LUKA 23:40

Nisienlakhawm, pakhat chun dawn malamin a kâwk a, “Pathien meu khawm i ṭi naw maw? thuhmun zingin an hrem che hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:8

Mîn an mi hêk a, mi ṭhenkhatin ka hril naw tawp an mîn hriltir angin ieng dinga, “Thil ṭha a hung theina dingin thil suol thâwng ei tiu,” tiin ei hril lem naw? Chuong ang mihai chun thiemnaw an chang chu a fel a nih.

DÂN PAHNINA 15:13

Chun, in insuoktir pha chun kutbenthekin in insuoktir ding a ni nawh;

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,

DÂN PAHNINA 24:17

Ram dang mihai le pa nei lohai ro chu indik nawtakin in rêlpêk ding a ni naw a, hmeithai puon chu banda dingin in lâkpêk ding a ni bawk nawh.

DÂN PAHNINA 27:19

“‘Ram dang mihai, pa nei naw hai, hmeithaihai ro indiknawtaka rêlpêktu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

DÂN PAHNINA 5:11

“Lalpa i Pathien hming chu i sâm mei mei ding a ni nawh. Lalpa chun thiemlo inchangtir lovin ân suo âwm si naw a.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.

HEBRAIHAI 13:4

Inneina hi mi po poin inzâ hai sienla, nupa khum khawm sukpawrche lovin um raw se; inditna suola tluhai le uirehai chu Pathienin an chungthu a ngaituo ding a ni si a.

JAKOB 5:12

Nisienlakhawm, ka unauhai, iengkhawm thaw unla, inkhâm naw ro, vân sâlin amanih, hnuoi sâlin amanih, thil dang hrim hrim amanih sâlin inkhâm naw ro: “A nih,” in ti chu, “A nih,” ni sienla, “A ni nawh,” in ti chu, “A ni naw,” ni raw se; chuong naw chun thiemnaw changin um in tih.

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.

THUPUONGSUO 21:8

Amiruokchu, mi dawi dâm, awinaw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.