MALAKI 3:13 - Pathien Lekhabu Inthieng (BSI)

¹³ “In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.

MALAKI 3:13 ပူးပေါင်းရင်းမြစ်များ

JOB LEKHABU (THE BOOK OF JOB) 15:13

I lungril chu Pathien chungah în hertir a, Chuong ang thuhai chu i baua inthawka în suoktir el chu?

JOB LEKHABU (THE BOOK OF JOB) 40:8

Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

INPÂKNA HLABU 10:11

A lungrila chun, “Pathienin a theinghil tah; A hmai a thup a, iengtika khawm hmu naw ni,” a ti hlak a.

FESUOKNA 5:2

Pharao chun, “Israelhai infetir dinga a râwl ka ngai ding Lalpa chu tûm a na? Lalpa chu ka hriet ngai naw a, chu nawa khawm, Israelhai chu infetir naw bawk ka tih,” a ti a.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 5:19

“Eini hmuna dingin thaw vak sienla, a thil thaw ding chu thaw vak raw se, ei hriet theina dingin Israelhai Mi Inthieng remruot chu hung hnaiin hung tlung raw se,” ti hlaktuhai chu.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbohmang zo a ni ta hi.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

EZEKIEL 18:25

Amiruokchu, Lalpa lampui chu ân ang rawp naw a, in la ti a ni thei a; tuhin ngai la, Aw Israel sûngkuo, ka lampui chu ân ang vawng an nâwm a nih? In lampuihai ni lo am a ni ân ang vawng naw chu?

EZEKIEL 35:13

Chun, i bauin keia chungah nang le nang în chawimawi a, ka chunga i thuhrilhai i sukpung a; ka hriet a nih.

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun Lalpa chu thuhretu a ni si a.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

MALAKI 3:12

Chun, hnam tinhai chun vângnei tîng an ti cheu a, ram hlimumtak a hung ni ta ding a ni si a, sipaihai Lalpa chun a tih.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

MALAKI 3:8

Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.