MALAKI 3:12 - Pathien Lekhabu Inthieng (BSI)

¹² Chun, hnam tinhai chun vângnei tîng an ti cheu a, ram hlimumtak a hung ni ta ding a ni si a, sipaihai Lalpa chun a tih.

MALAKI 3:12 ပူးပေါင်းရင်းမြစ်များ

2 CHANCHIN SUINA 32:23

Chun, mi tamtak chun Jerusalemah Lalpa kuomah thilpêkhai le, Juda lal Hezekia kuomah thil hluhai an hung chawi a; chuongchun, chutaka inthawk chun hnam po pohai mithmua chun chawimawiin a um ta a.

INPÂKNA HLABU 72:17

A hming chu kumkhawtluongin dei naw ni a. A hming chu ama a um sûng chu dei lovin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

DANIEL 11:41

Ram ropuia khawm chun hung lût a ta, ram tamtak chu hne hung nîng an tih; nisienlakhawm, hieng Edom hai, Moab hai, Ammon thlahai lal hi a kuta inthawk chun sansuok nîng an tih.

DANIEL 8:9

Anni laia pakhata inthawk chun ki chitê a hung suok a, chu chu simtieng le, saktieng le ram ropui tieng chun ropuitakin a hung um ta a.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

MALAKI 3:13

“In thuhai chu ka chungah a hrawmhraw êm el, sipaihai Lalpa chun a tih, Nangni chun, ‘Ieng âm kan hrilsiet che a?’ in ta.

LUKA 1:48

A suoknu tlâwmzie a hmu a, a lunginsiet a, Ngai rawh, tuta inthawkin ruolthar po poin hamṭha an mi ti ding a nih.

DÂN PAHNINA 11:12

Lalpa in Pathienin a lungkham ram a nih; Lalpa in Pathien mit chu kum thara inthawka a tâwp chenin a fu hlak.