MALAKI 3:10 - Pathien Lekhabu Inthieng (BSI)

¹⁰ Ka ina chun bu a um theina dingin, siekhâwmna ina chun sâwma pakhat po po chu hung la unla, chutaka chun mi fie ro, sipaihai Lalpa chun a tih. Vân tukverhai hung hawngin, a siena ding um naw khawp rauin, malsâwmna chu ka hung burpêk naw hrim cheu am.

MALAKI 3:10 ပူးပေါင်းရင်းမြစ်များ

INṬANNA 28:22

hi lungphun ka phun khawm hi Pathien in nîng a tih: chun, ka kuoma i mi pêk ding po poa chun sâwma pakhat chu pe ngei ngei ka ti che,” tiin.

INṬANNA 7:11

Noa chu kum za ruk a ni kum, a thla hnina ni sâwm le ni sari niah, chu ni ngei chun tui inthûk lientak hnâr po po chu a hung pût ta vawng a, vân tukverhai khawm a hung inhawng ta bawk a.

2 LALHAI 7:19

chun, sipai hotuin Pathien mi chu a dawn a, “Ngai ta, Lalpain vânah tukver a hawng ding a ni chu tie! Chuong ang chu ni thei hlak a ti maw?” a ti a, ama chun “Ngai rawh, i mit chun hmûng i ta, fâk ruok chu i fâk naw ding a nih,” tia a hril kha;

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

1 CHANCHIN SUINA 26:20

Chun, Levi mihaia chun, Ahija chu Pathien ina rohai chunga le, thil inhlân tahaia rohai ta dinga enkawltu a nih,

NEHEMIA 12:44

Chun, chu ni chun thawlâwmhai, a thêna thêna thilinhlân dâm, thlai thar hmasa tak dâm, sâwmapakhat dâm, siekhâwmna pindanhaia hotu, dânin a ruot ang thiempu le Levi mihai chanvo khaw tin lohma izir ang pei la khâwmtu dinghai an ruot a; Judahai chu rawngbâwltu thiempu le Levi mihai lei chun an lâwm hle a.

NEHEMIA 12:47

Zerubbabel dam lai le, Nehemia dam lai chun Israel po poin hlasaktuhai le kawtkhâr vêngtuhai chu ni tina an tlâk tâwk ding chanvo an siempêk hlak a; chun, Levi mihai chu chanvo a suktumpêk bawk a; chun, anni Levi mihai chun Aron naupasalhai chanvo chu an suktumpêk hlak a.

NEHEMIA 13:5

kha hmaa Levi mihai, hlasaktuhai, kawtkhâr vêngtuhai chanvo, beiphit thilinhlân dâm, riminhnik dâm, bûr le bêlhai, bu sâwma pakhat dâm, uoin le hriek le thiempuhai ta ding a thêna thên thilinhlânhai an siena hlak pindan lientak Tobia ta ding chun a buotsaipêk a.

INPÂKNA HLABU 37:3

Lalpa chu ring la, thil ṭha thaw rawh, Hi rama hin um la, ringumna chu hnawt pei rawh.

INPÂKNA HLABU 78:23

Nisienlakhawm, chungtienga vân dumhai khi thu a pêk a. Vân kawtkhârhai khi a hawngpêk a.

THUHRILTU 11:3

Sûmhai chu ruoa an sip hle chun hnuoi chungah an insukruok hlak a, Thing hi chu hmârtienga manih, simtienga manih a tlu chun, A tlûkna hmuna chun thing chu um a tih.

EZEKIEL 34:26

Chun, ka tlâng sîra hmunhai le anni chu malsâwmah siem ka ta; ruohai khawm a huntakah hung insûrtir ka ta; malsâwmna ruohai sûr hlak a tih..

EZEKIEL 44:30

Chun, thil tinrêng rahmasahai hmasatak le, thil tinrêng thêna inhlânhai chu, in thilinhlânhai po po chu thiempuhai chan nîng a ta, chun, thiempu kuoma chun in beihmet hmasatak chu in in sûnga malsâwmna a um theina dingin in pêk bawk ding a nih.

HOSEA 2:21

Chu ni chun, Lalpa chun a tih, Vânhai bieng ka ta, annin hnuoi bieng an tih;

JOEL 2:19

Lalpa chun a dawn a, a mihai kuomah, “Ngai unla, in kuomah bu dâm, uoin dâm, hriek dâm hung intlun ka ta, chuonghaia chun tlai in ta: hnamhai laia chun hrilsietin inumtir nâwk ta naw ning cheu a:

JOEL 2:24

Ṭuonghai chu buin hung sip a ta, uoin le hriek chu bêlahai chun sip liem a ta.

LEVI DÂN 26:10

Sâwttak in ikawl a hlui chu fâng in ta, a thar siena dingin a hluihai chu la suok in tih.

LEVI DÂN 26:3

“Ka thuruothai chu in zâwm a, ka thupêkhai chu in pawm a in zâwm chun,

LEVI DÂN 27:30

“Ram sûnga mi, sâwmapakhat po po, thlai amanih, thei rahai khawm, Lalpa chanpuol a nih; Lalpa ta dinga thil inthieng a nih.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai naw a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

NAMBAR 18:21

“Levi mihai chu rawngbâwl sin, puon in rawngbâwl sina an sinthaw manah Israel rama sâwmapakhat po po hi ka pêk a nih.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

DÂN PAHNINA 12:6

Chutaka chun in pumrawhmang thilinhlânhai, in inthâwinahai, in sâwmapakhat dâm, in thên thilinhlânhai dâm, in thutiem dâm, in nuomthua thilinhlânhai dâm, in ran ruol le in berâm ruol laia pieng hmasa takhai in hung lâk ding a nih.

DÂN PAHNINA 14:22

“Kum tin in loa thlai suok po po sâwmapakhat in sie hran ngei ngei ding a nih.

DÂN PAHNINA 14:29

chun, in umnaa um Levi mihai khawm chu nangni laia chanvo, rochan khawm nei ve nawhai le ram dang mihai le pa nei nawhai le hmeithaihai chun fâng an ta, lo khawsa ve thei el an tih; chuongchun, Lalpa in Pathienin in kutsuok po poa chun mal a sâwm ding cheu a nih.

DÂN PAHNINA 28:12

Lalpa chun a huntaka in ram châwm ding ruotui pe ding cheu le, in kutsuok po po malsâwm dingin vân, a robâwm ṭha chu hawngpêk a ti cheu a; chuongchun, hnam tamtak inpûktir in ta, nangni ruok chun pûk naw ti niu.