MALAKI 2:9 - Pathien Lekhabu Inthieng (BSI)

⁹ Chuleiin, nangni khawm mi po po hmaa chun hmusitum le inhnuoiin ka lampuihai in hraw naw ang zûl peiin ka siem cheu a nih; dâna chun mi thlierbîk in lo nei ta si lem a,” tiin.

MALAKI 2:9 ပူးပေါင်းရင်းမြစ်များ

1 LALHAI 22:28

Chun, Mikaia chun, “Lungmuongtaka i hung nâwk tâk leh, Lalpain kei mi hmang hin thu a hril naw nîng a tih,” a ta. Chun, ama ma chun, “Nangni mipuihai, in rêngin lo hre seng ro,” a ta.

JOB LEKHABU (THE BOOK OF JOB) 32:21

Ka hni cheu hi, mi tukhawm mi nina chu mîn zâtir naw unla, Mi tukhawm kuomah hming ṭha tehlêm chu pe bawk naw ning.

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

EZEKIEL 13:21

In rawmawlhai chu keithlêr ka ta, ka mihai chu in kuta inthawkin sansuok ka tih; chun, pêl dingin in kuta chun um ta naw ni hai; chun, Lalpa chu ka nih ti mi hre tâng in tih.

EZEKIEL 7:26

Sietna chunga siet nâwk zuolna hung tlung a ta, thuthang chunga chun thuthang um a ta; chun, zâwlnei thilhmulâwkhai chu zawng an ta, nisienlakhawm, thiempua inthawkin dân le, mi hluihaia inthawkin thurâwn chu bohmang tâng a tih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

NAHUM 3:6

Hmunhnawk tirdakumtakin thêng ka ti che a, inzakumtakin siem ka ti che a, ennuom dingin sieng ka ti che.

MALAKI 2:3

Ngai ta u, nangni leiin chu chi chu kâwk ka ta, in inthâwina êkhai chu in hmaihai chunga chun thêng ka ta, chun, a chu le chun nangni chu lâk hmangin um in tih.

MALAKI 2:8

Amiruokchu, nangni chu lampuia inthawk chun in pêt hmang a, mi tamtak chu dâna chun in insuithlûktir a; Levi kuoma thuthlung chu in suksiet tah a nih, sipaihai Lalpa chun a tih.

LUKA 10:29

Ama ruok chun thiem inchangtir a tum a, Isu kuomah, “Anleh, ka vênghai chu tuhai am an na?” a ta.

LUKA 11:42

“Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

GALATI 2:6

Chun, mi lien deua an iruothai lai chun, (ieng ang mi khawm ni sien la ka ta dingin a dang chuong nawh, Pathienin tûkhawm a thlier bîk naw a) mi lien deua an iruothai chun iengkhawm an mi belsa chuong si naw a;

DÂN PAHNINA 1:17

Rorêlnaah thlierbîk in nei ding a ni nawh; mi chîn le mi lien inang zingin in ngaipêk ding a nih; tukhawm in ṭi ding a ni nawh; rorêlna chu Pathien ta a ni si a; in ta dinga thu khir taluo chu ka kuomah hung intlun hlak in ta, chu chu lo ngaituo hlak ka tih,’ tiin thu ka pêk a.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.