MALAKI 2:17 - Pathien Lekhabu Inthieng (BSI)

¹⁷ In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

MALAKI 2:17 ပူးပေါင်းရင်းမြစ်များ

JOB LEKHABU (THE BOOK OF JOB) 34:17

Indikna theidatu chun ro a rêl ding am a nih? Mi indik le mi hrât chu i dem ding am a ni,

JOB LEKHABU (THE BOOK OF JOB) 34:36

Job chu a tâwp chena fie ni sienla aw, Mi rilohai anga a dawnna leiin.

JOB LEKHABU (THE BOOK OF JOB) 36:17

Amiruokchu, nang chu mi rilo rorêla sip i ni ta a, Rorêlna le indikna chu nangmaa chun ân phun tah a nih.

JOB LEKHABU (THE BOOK OF JOB) 9:24

Hnuoi hi mi khawhlo kuta chun pêk a na, Chu chun rorêltuhai hmaihai chu ama chun ân khum a nih. Ama a ni naw chun, tu am nîng a ta?

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai naw a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

ISAI 1:14

In thla tharhai le in hunbi nei ruoiṭhehai chu ka lungril chun a theida a nih; ka ta dinga thil hnawksaktak a nih, tuor ka nghawk tah a nih.

ISAI 29:15

An remruot chu Lalpa kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

ISAI 43:22

Nisienlakhawm, aw Jakob, nangin i mi ko si naw a, aw Israel, i mi nghawk ta lem a ni hi.

ISAI 43:24

Mafu hrim hrim tangkain in mîn châwkpêk ngai naw a, in inthâwina thâuhaiin in mi sukkhawp ngai bawk nawh; in suolna phur sinhai in mîn thawtir lem a, in khawhlonahaiin nangnîn in mi suksâwl tah a nih.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suksâwl in nuom rawp hi.

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 17:15

Ngai ta, “ Lalpa thu chu khaw lai am a um a, tuhin hungtlung raw se,” an mi ti a.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

EZEKIEL 16:43

I tleirâwl lai nihai kha i hriet zing ta naw a, amiruokchu, hieng thilhaia hin i mi suklungsen a; chuleiin, ngai ta, kei khawma i nun suol maw chu i lu chungah hung intlungtir ka tih, Lalpa Pathien chun a tih; chun, pawrchenahai po po belsain hi khawhlona hi thaw ta naw ti nih.

EZEKIEL 18:25

Amiruokchu, Lalpa lampui chu ân ang rawp naw a, in la ti a ni thei a; tuhin ngai la, Aw Israel sûngkuo, ka lampui chu ân ang vawng an nâwm a nih? In lampuihai ni lo am a ni ân ang vawng naw chu?

EZEKIEL 8:12

Chun, ama chun ka kuomah, “Mihriem naupa, mi tin mâni milim pindan chitah, Israel sûngkaw upahai chun inthim hnuoia chun ieng am an thaw a, i hmu am? Anni chun, ‘Lalpa chun a mi hmu nawh, Lalpa chun hnuoi hi a nghatsan tah,’ an ti a,” tiin.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

AMOS 2:13

Ngai ta u, buphala sip, tawlailîr ichîl angin in hmuna khan chîl ka ti cheu.

ZEPHANIA 1:12

Chuong huna chun, Jerusalem chu khâwnvarhai sitin dap ka ta, mi an in kilkhâwrhaia chêng a, an lungrila, “Lalpa chun thil ṭha thaw naw ni a, thil ṭha naw khawm thaw chuong hliek naw ni,” tituhai chu hrem ka tih.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun Lalpa chu thuhretu a ni si a.

MALAKI 3:8

Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.