MALAKI 2:14 - Pathien Lekhabu Inthieng (BSI)

¹⁴ Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun Lalpa chu thuhretu a ni si a.

MALAKI 2:14 ပူးပေါင်းရင်းမြစ်များ

INṬANNA 2:18

Chun, Lalpa Pathien chun, “Mihriem ama khât baka a um hi a ṭha nawh ie; ama ṭhangpuitu ding, ân kawppui ding âwm mî siempêk ka tih ie,” a ta.

INṬANNA 31:50

Ka naunuhmeihai hi i sukrimsi a, ka naunuhmeihai ni lo nuhmei dang i nei chun, tukhawm ei kuoma hin an um nawa chu, en ta, Pathien chu kei le nanga kâra hretu a nih,” a ti a.

THUVARHAI 2:17

A tleirâwl lai ṭhien chu nghatsan a, A Pathien thuthlung theinghiltua inthawk chun.

THUVARHAI 30:20

Nuhmei uire lampui khawm chuong ang bawk chu a na, A fâk a, a hmûr chu a hrûk a, “Thil suol ka thaw nawh,” a ti nâwk a.

THUVARHAI 5:20

Chuongchun, nang ka naupa, iengdingin am hmêlmak nuhmeia chun thafân i ta, Iengdingin am hmêlmak âng chu pawm i ta?

THUHRILTU 9:9

Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.

HLAHAI HLA 1:15

Ngai ta, ka hmangai, i hmêl a ṭha, ngai ta, i hmêl a ṭha, I mithai chu vaṭhu mit ang a nih.

ISAI 54:6

Nuhmei mâk, lungrila lungngaitak, tlangvâl laia nuhmei tah, pei hnung ko nâwk angin Lalpain a ko che a ni hi, i Pathienin a tih.

ISAI 58:3

‘Ieng leiin am bu kan nghei a i hriet si naw a, ieng leiin am kan insukrimsi a i hriet si naw maw?’ an ti hlak a. Ngai ta u, in bu nghei ni chun nangni nunkhuo in phâm a, in sinthawtuhai po po in nêksâwr hlak.

JEREMIA 29:23

Israel rama chun invêtthlâktakin thil an thaw a, an tuolbâwmhai nuhmei le chun an uire a, ka hming sâlin ka thupêk lova khêl thu an hril leiin; chun, kei chu a hretu, a hrietpuitu chu ka nih, Lalpa chun a tih.

JEREMIA 42:5

Anni chun Jeremia kuoma chu, “Lalpa i Pathienin kan kuoma a hung tirna ang thu po pohai anga kan thaw naw chun, Lalpa chu eini laia hrietpuitu ringum le indik ni raw se.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

JEREMIA 9:2

Ka chipuihai hi ka mâksana, an kuoma inthawka ka fe hmang theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el si a.

EZEKIEL 16:8

Chun, i sîr ka hung khêl a, ka hung en che chun, ngai ta, i hun chu hmangaina hun a ni ta a; ka puon chu i chunga chun ka keiphar a, i saruokna chu kân khum ta a; anih, i kuoma chun kân khâm a, nangma le chun thuthlung ka lo siem ta a, Lalpa Pathien chun a tih; chun, ka ta i hung ni ta a.

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîmkhur unla mi tukhawma a tleirâwl nuhmei chu khawhlotakin thaw naw raw se.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

MALAKI 3:8

Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

RORELTUHAI 11:10

Gilead mi upahai chun Jepthah kuomah, “Lalpa chu ei inkâra hretu nîng a ta, i thu ang chun thaw ngei ngei kan tih,” an ti a.

1 SAMUEL 12:5

Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin Lalpa chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.