MALAKI 2:13 - Pathien Lekhabu Inthieng (BSI)

¹³ Chun, hi khawm hi in thaw nâwk bawk a, Lalpa maichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

MALAKI 2:13 ပူးပေါင်းရင်းမြစ်များ

NEHEMIA 5:1

Chun, mipuihai le an nuhmeihai chu an unau Judahai chunga chierin an khêk ta mur mur el a,

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

JEREMIA 11:14

Chuleiin, hi hnam ta ding hin hni naw la, an ta dingin hnina amanih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni si a.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlânhai chu pawm a ni naw a, in inthâwinahai khawm chu ka ta dingin lâwmum a ni nawh.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

DÂN PAHNINA 15:9

‘Ngaidam kum, kum sarina chu a hung tlung ding a ni tah,’ tiin in unauhai chu hmu nuom lovin, iengkhawm pe nuom lovin in lungrila indik nawtaka ngaituona um lo dingin fîmkhur ro; chuong naw chun, ama chun in chungchâng thuah Lalpa ko a ta, i ta dingin suol hung ni rawi a tih.

DÂN PAHNINA 26:14

Kan lusûn laiin chutaka mi chu kan fâk naw a, kan pawrche laiin kan sukthâm bawk naw a, mithi puolah kan pêk bawk nawh; Lalpa kan Pathien rawl chu kan ngai zing a, i thu mi pêk ang po po chun kan thaw a nih.