MALAKI 2:12 - Pathien Lekhabu Inthieng (BSI)

¹² Lalpa chun hi thil thawtu, inchûktirtu le a închûktir chu, Jakob puon ina inthawk sât thlâng a tih, sipaihai Lalpa kuoma thilinhlânhai inhlântua inthawk le chun.

MALAKI 2:12 ပူးပေါင်းရင်းမြစ်များ

1 CHANCHIN SUINA 25:8

Chun, a chîn ni leh, a lien ni leh, inchûktirtu le inchûktu khawm, angkhat vawngin, an thil thaw ding chu ṭhumvâwrin an en hlak a.

ISAI 61:8

Kei Lalpa hin rorêlna fel ka ngaina hlak si a, khawhlotaka inram el hi ka theida hlak a, chuongchun, anni ka thungna chu titakmeuin an kuomah pêng ka tih, an kuomah kumkhaw thu thlung bawk ka tih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

EZEKIEL 14:10

Chun, an suol maw chu phur an ta; zâwlnei suolna chu mi ama kuomah zawngtu suolna ang ngei chu nîng a tih;

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

LEVI DÂN 18:29

Tukhawm hieng thil tirdakumhai a ieng ieng khawm thawtu taphawt chu an chipuihai laia inthawka tuithlârin um an tih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

AMOS 5:22

Anih, in pumrawhmang thilinhlân le in bu thilinhlânhai chu mîn hlân unla khawm, pawm naw ning a, in inremna ran thâu thilinhlânhai khawm ngaisak bawk naw ning.

ZEKARIA 12:7

Lalpa chun a hmasatakin Juda puon inhai khawm chu sanhim a ta, David sûngkaw ropuina le Jerusalem hluotuhai ropuina chu Juda chungtienga chawimawia a um nawna dingin.

MALAKI 1:10

Nangni laia mi pakhat bêk, ka maichâma a thlâwna mei a sêm nawna dinga kawtkhârhai khâr hlak chu um unla chu aw! sipaihai Lalpa chun a tih, nangnia hin lâwmna hrim ka nei naw a nih; in kuta thilinhlân hrim hrim khawm lâwm naw ningah.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwtkhum a, sipaihai Lalpa chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai Lalpa chun a tih.

MALAKI 2:10

Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khawhlotaka ei thaw am a na?

NAMBAR 24:5

Aw Jakob rawi chu in puon inhai a va ṭha de; Aw Israelhai, in Biekbûk chu:

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.