MALAKI 2:10 - Pathien Lekhabu Inthieng (BSI)

¹⁰ Pa hmunkhat seng ei ni naw am a nih? Ei Pathien chun a mi siem seng a ni naw am a nih? Ei thlatuhai thuthlung chu bawsea, iengdinga mi tinin mâni unau chungah khawhlotaka ei thaw am a na?

MALAKI 2:10 ပူးပေါင်းရင်းမြစ်များ

NEHEMIA 13:29

Aw ka Pathien, thiempu nina sin le, thiemputna sin thuthlung le, Levi mihai thuthlung an sukpawrche leiin hre zing tâwl raw khai.

JOB LEKHABU (THE BOOK OF JOB) 31:15

Sula kei mi siemtu chun ama khawm chu a siem a ni naw am a nih? Sula chun ama chun a mi siemvêl ve ve ni lo am a nih?

INPÂKNA HLABU 100:3

Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

FESUOKNA 19:4

Aigupta mihai chunga ka thilthaw tahai le, mupui thlahai chunga phur cheua ka kuoma ngei ka ṭhuoizie cheu kha in hmu ta a.

FESUOKNA 19:5

Chuleiin, tuhin, ka thu in zâwm famkim a , ka thuthlung in vawng tlat chun, hnuoi hi ka ta a ni si a, hnam dang po po lai chun ka ro bîk nîng in tih; hnuoi pumpui hi ka ta a ni si a.

FESUOKNA 24:3

Mosie chu a hung a, Lalpa thu po po le dânhai po po chu mipui a hril ta a. Mipui po po chun thu thuhmunin an dawn a, “Lalpain thu a hril po po chu thâwng kan tih,” an ti a.

FESUOKNA 24:7

Chun, thuthlungna lekhabu chu a lâk a, mipui hrieta chun a tiem ta a; anni chun, “Lalpain a hril taphawt chu thâwng kan ta, thuawitakin um kan tih,” an ti a.

ISAI 43:1

Tu ruok hin chu aw Jakob rawihai, Lalpa nangni siemtu le, aw Israel rawihai, nangni inngîrtirtu chun hieng ang hin a tih, “Ṭi naw ro, kân tlan ta cheu hi; in hmingin ka ko cheu a, ka ta in nih in sawnnaw.

ISAI 43:15

Kei hi Lalpa, in Mi Inthieng, Israelhai Siemtu, in Lal chu ka nih,” tiin.

ISAI 43:7

ka hming puthai po le ka ropuina dinga ka isiemhai po chu; anni chu kân ngîr an nih, anni chu ka siem an nih.

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 51:2

In pu Abraham tieng le nangni neitu cheu Sara tieng kha en ro; ama chu pakhat chau a ni lai khan ka ko a, mal ka sâwm a, mi tamtakah ka siem ta kha.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

ISAI 64:7

Chuongchun, i hming lama, nangma chel dinga mâni insukhar tukhawm an um dêr naw a, keini kuoma hin i hmai i thup ta si a; kan khawhlonahai hmangin i mi sukbohmang tah a nih.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

JEREMIA 31:9

Ṭap pumin hung an ta, thlamuongtakin anni chu ṭhuoi ka ta, tuihai vadungpuihai sîra chun, lampui tlûnah an insui nawna dinga chun anni chu infetir ka ta, Israel pa chu ka na, Ephraim chu ka nau lutîrtak a ni si a.

EZEKIEL 33:24

“Mihriem naupa, Israel rama hmun se tahai hluotuhai chun thu an hril a, ‘Abraham chu pakhat chau a na, ram chu a lo hluo ta a; eini hlak chu tamtak ei na, ram chu hluo dinga pêk ei ni tho a,’ tiin.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MALAKI 2:11

Juda chun khawhlotakin a lo thaw ta a, Jerusalem le Israel lai khawm chun tirdakumna chu thaw a lo ni ta a;Juda chun Lalpain inthiengna a hmangai chu a lo sukpawrchein, pathien danglam naunuhmei chu a lo nei ta a.

MALAKI 2:8

Amiruokchu, nangni chu lampuia inthawk chun in pêt hmang a, mi tamtak chu dâna chun in insuithlûktir a; Levi kuoma thuthlung chu in suksiet tah a nih, sipaihai Lalpa chun a tih.

MATTHAI 10:21

“Chun, sukhlum dingin unaupa le unaupa inmantir an ta, pa khawmin a nau inmantir bawk a tih; nauhai khawmin an nu le pahai do an ta, insukhlumtir bawk an tih.

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si naw a.

MATTHAI 3:9

“ ‘Abraham ei thlatu a nih annawm,’ tiin inngaituo naw ro; Pathienin hieng lunghai hi Abraham thlahai dingin ân ngirtir thei ti ka hril cheu hi.

LUKA 1:73

Chu thuthlung chu inkhâmin ei thlâtu Abraham kuomah a lo tiem ta a;

LUKA 3:8

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

JOHAN 8:39

Chun, anni chun a kuomah, “Kan pa Abraham a nih,” an ti a, an dawn a. Isûn an kuomah, “Abraham nauhai in ni chun, Abraham thil thaw naw ti niu am.

JOHAN 8:41

Nangni chun chu in pa thil chu in thaw hlak,” a ta. Anni chun a kuomah, “Uire naua pieng kan ni naw ie, Pa pakhat chau kan nei, Pathien chu,” an ta.

JOHAN 8:53

Kan thlatu Abraham nêkin i ropui lem am a nih? Ama khawm a thi tah, zâwlneihai khawm an thi tah; tuin am însiem leh?” an ta.

JOHAN 8:56

In thlatu Abraham kha ka ni hmu ding a ni leiin a hlim bêk bêk hlak; chun, a hmu ngei a, a lâwm hle a,” a ta, a dawn a.

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THILTHAWHAI 17:25

Thil tlasam angin mihriem kuta rawngbâwlpêkin a um bawk nawh. Ama ngei chu iengkim kuoma hringnahai, inthuoknahai, le thil po po petu chu a ni lem.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

THILTHAWHAI 7:2

Chun, Stephan chun, “Unauhai, pahai ngai ta u, ei thlatu Abraham Harana a um hmaa, Mesopotamia rama a um lai khan Ropuina Pathien chu a kuomah a hung inlâr a,

THILTHAWHAI 7:26

Chun, a zîngah anni laia mi pahni an insuol laiin an kuom a hung tlung a, ‘Puhai, unau in nih annâwm; iengdinga indiknawtakin in inthaw am?’ tiin anni rem a tum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:1

Anleh, Abraham, taksa dâna ei thlatu khan ieng am a hlâwkpui hril ding ei nei a?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:10

Chu chau khawm chu a ni nawh, pasal pakhat, ei thlatu Isaka inthawka Rebekain nau inphîr a vawn lai khan,

1 KORINTH 8:6

Eini ta ding chun Pathien pakhat chau (Pa chu) a um a, ama kuoma inthawkin tinrêng a suok a, eini khawm ama ta dinga um ei nih; Lalpa pakhat chau (Isu Krista chu) a um bawk a, ama leiin iengkim a um a, eini khawm ama lei bawka um ei nih.

EPHESI 4:25

Chuongchun, khêl hril bânin mani vênghai kuomah thu indiktak hril seng ro; inpêngtuo seng ei ni si a.

EPHESI 4:6

iengkim Pathien le Pa pakhat chau chu iengkim chungah a um a, iengkim fangsuokin a um a, iengkim sûngah a um bawk a nih.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?

JOSUA 24:3

Chun, in thlatu Abraham kha Vadung râla inthawk khan ka ṭhuoi suok a, Kanaan ram sûng po poa khan ka ṭhuoi a, a thlahai chu ka sukpung a, Isak kha ka pêk a; chun, Isak chu Jakob le Esau ka pêk a.