MALAKI 1:4 - Pathien Lekhabu Inthieng (BSI)

⁴ Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai Lalpa chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga Lalpa lunginsenna zing zing hnam,’ tîng an tih.

MALAKI 1:4 ပူးပေါင်းရင်းမြစ်များ

JOB LEKHABU (THE BOOK OF JOB) 12:14

Ngai ta, a suksiet a, siemṭhat thei ruol an ta naw a; Mihriem chu a khârkhip a, ân hawngna a um thei naw a.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 127:1

Lalpain in a bâwl naw chun, A bâwltuhai chu an inrim thlâwn el a nih: Lalpain khawpui a vawngṭha naw chun, A vêngtu chu a meng thlâwn el a nih.

INPÂKNA HLABU 137:7

Aw Lalpa, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

INPÂKNA HLABU 33:10

Lalpain hnam tin remruot chu iengkhawm ni lovah ân changtir a, Mi tin ngaituohai chu iengkhawm ṭhathnemna nei lovin a siem hlak.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 34:10

Asûn azânin sukrêmin um naw ni a; a meikhu chu kumkhuoin intung ngut ngut a tih; suon um sûng po po chun serâwpin um zing a ta, tukhawma kumkhuo khawma pal naw ni hai.

ISAI 34:5

Ka kâwlhnâm chun vânah tlaitakin a dâwn ta si a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

JEREMIA 31:17

I hihnung tâwpna tienga ding chun beiseina a um a nih, Lalpa chun a tih: i thlahai chu an ramri sûnga ngei chun hung nâwk an tih.

JEREMIA 49:20

Chuleiin, Edom khaw chungthua Lalpain thurâwn a ilâktak le, a thiltum, Teman hluotuhai chunga lo tum ta chu lo ngai ta u; matheilovin, anni chu ran ruol têhai hnûk hmangin um ngei ngei an ta an chêngna chu anni irâusanin siempêk a tih.

JEREMIA 49:7

Edom chungthu, Sipaihai Lalpa chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

JEREMIA 49:8

Tlân hmang unla, hnung kîr unla, chêng inthûk unla, Aw Dedan hluotuhai, ama chunga chun Esau lunginzîngna chu ka hung intlungtir ding a ni si a, ama ka hrem hun ngei chu.

JEREMIA 5:17

Anni chun i lohma suok le i bu fâng an ta, i naupasalhai le i naunuhmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

ṬAP HLA 3:37

Lalpain thu a pêk naw laia, a hril a, hung tlung el hlak chu tu am a na?

EZEKIEL 11:10

Kâwlhnâmah tlûng in ta, Israel ramria chun ro rêlpêk ka ti cheu a; chun, Lalpa chu ka ni ti hre tâng in tih.

EZEKIEL 25:13

Lalpa Pathien chun hieng hin a tih: Edom chunga chun ka kut inlet ka ta, amaa inthawk chun ramsa le mihriem khawm sât thlâng ka tih, Temana inthawkin râusanah siem ka ta; Dedan chenin kâwlhnâmah tlûng an tih.

EZEKIEL 25:14

Chun, ka mi Israelhai kut hmang- in Edom chunga chun ka phuba lâkna chu sieng ka ta, ka ṭitumna ang pei le ka lunginsenna ang peiin Edoma chun thâwng an tih; chuongchun, ka phuba lâk chu hre tâng an tih, Lalpa Pathien chun a tih.

EZEKIEL 26:14

Chuongchun, lungpui fil ruouah siem ka ti cheu a, lênhai keimarna hmun hung nîng i tih; chun, bâwl khawm ni nâwk ta naw ti ni; kei Lalpa hin ka lo hril ta si a, Lalpa Pathien chun a tih.

EZEKIEL 35:4

I khawpuihai chu suksietin inumtir ka ta, nang khawm râusanin um i tih; chun, Lalpa chu ka nih ti mi hre tâng i tih.

EZEKIEL 35:9

Kumkhuoa râusanah siem ka ta, i khawpuihai chu hluo ni nâwk ta ngai naw nih; chun, Lalpa chu ka nih ti mi hre tâng i tih.

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

AMOS 3:15

Chun, thlasik in le nipui in vaw sieng ka ta, saiha inhai chu bohmang a tih, in ropuihai chun tâwpna nei an tih,” Lalpa chun a tih.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

AMOS 6:11

Ngai ta u, Lalpa chun thu a pêk si a; chun, in lien chu chim rem rum a ta, in chîn khawm chu kak hek huk bawk a tih.

AMOS 6:2

Kalne khuoa chun fe unla, en ro; chun, chutaka inthawkin Hamath khaw ropuia chun fe unla, en ro; chun, Philistin ram Gath khuoa chun fe thla unla, hieng ramhai nêk hin an ṭha lem am? In ram nêkin an ram chu a lien lem am?

OBADIA 1:1

Obadia inlârna hmu chu. Lalpa Pathien chun Edom chungchângah hieng ang hin a tih: Lalpa kuoma inthawkin thu kan hriet a, hnamhai laia chun palai tir a nih: “Tho unla, indonaa ama do dingin inthawk ei tiu,” tiin.

OBADIA 1:10

I unaupa Jakob chunga inpâwngnêkna leiin inzaknain inkhum a ti che a, kumkhuoa sukbohmangin um i tih.

MALAKI 1:3

Esau ruok chu ka theida a, a tlânghai chu râusanin ka siem a, a rochan chu thlalêr sihalhai kuomah ka pêk kha,” a ta.

MATTHAI 12:30

Tukhawm keia tienga ṭhang naw chu a mi do a nih; tukhawm a mi lâk khâwmpui naw chun a sukdar a nih.