MALAKI 1:3 - Pathien Lekhabu Inthieng (BSI)

³ Esau ruok chu ka theida a, a tlânghai chu râusanin ka siem a, a rochan chu thlalêr sihalhai kuomah ka pêk kha,” a ta.

MALAKI 1:3 ပူးပေါင်းရင်းမြစ်များ

INṬANNA 25:23

Chun, Lalpain a kuomah, “I sula chun chi hni an um a, I phîng sûnga inthawk ngei chun hnam hni inṭhêng an ta, Hnam pakhat chu hnam pakhat nêk chun hrât lem a ta; A upa lemin a naupang lem rawng chu bâwl a tih,” a ta.

ISAI 35:7

Chuongchun, ṭieuphit lumtak hmun chu dîlah inchang a ta, hnuoi dangchârtak chu tuihnârhaiah inchang a tih: sihalhai chêngna, an zâlnaa chun hlobet, phairuong le thielkuong um a tih.

JEREMIA 49:10

Esau chu ruoka ka sie a na, ân bîkna hmunhai chu ka suklangpêk a, ama le ama chu inthup thei naw nih; a chi chu suksiet a na, a unauhai le a tuolbâwmhai le, ama chu a um ta nawh.

JEREMIA 49:20

Chuleiin, Edom khaw chungthua Lalpain thurâwn a ilâktak le, a thiltum, Teman hluotuhai chunga lo tum ta chu lo ngai ta u; matheilovin, anni chu ran ruol têhai hnûk hmangin um ngei ngei an ta an chêngna chu anni irâusanin siempêk a tih.

JEREMIA 49:33

Chun, Hazor chu sihalhai ta dinga chêngna hmuna le, kumkhaw râusan nîng a ta, chutaka chun tukhawm chêng naw ni hai a, mihriem nau tukhawm chutaka chun inzin khawm vân zin bawk naw ni” tiin.

JEREMIA 49:7

Edom chungthu, Sipaihai Lalpa chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

JEREMIA 49:8

Tlân hmang unla, hnung kîr unla, chêng inthûk unla, Aw Dedan hluotuhai, ama chunga chun Esau lunginzîngna chu ka hung intlungtir ding a ni si a, ama ka hrem hun ngei chu.

JEREMIA 51:37

Babulon chu hmun dêng pâwng el, sihalhai ta dinga chêngna hmun ding le, maktia um ding le, hluotu um lova inchek khum el ding nîng a tih.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 36:7

chuleiin, Lalpa Pathien chun hieng hin a tih: Khawhri be mihai nangni vêla umhai po po chun anni biekrâwpna anni ngeiin an phur ngei ding a nih, tiin, ka bân ka lo phar ta a.

EZEKIEL 36:9

Ngai ta u, kei chu in ta ding ka ni si a; in kuomah hung kîr ka ta, chun, inlet le chîng nîng in tih;

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

OBADIA 1:10

I unaupa Jakob chunga inpâwngnêkna leiin inzaknain inkhum a ti che a, kumkhuoa sukbohmangin um i tih.

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.