LUKA 9:8 - Pathien Lekhabu Inthieng (BSI)

⁸ ṭhenkhatin, “Elija a hung inlâr tah a ni hi,” an ta, ṭhenkhatin, “Tienlaia zâwlnei tû amanih a tho nâwk tah a ni hi,” an ti leiin.

LUKA 9:8 ပူးပေါင်းရင်းမြစ်များ

MATTHAI 16:14

Anni chun, “Ṭhenkhatin, ‘Baptistu Johan an ti che a,’ ṭhenkhatin, ‘Elija’, ṭhenkhatin, ‘Jeremia amanih, zâwlnei tu amanih’ an ti che” an ta.

MATTHAI 17:10

Chun, a inchûktirhaiin a kuomah, “Dân inchûktirtuhaiin ‘Elija a hung hmasa ding a nih,’ iengtiziea ti am an ni leh?” tiin an indawn a.

MARKA 6:15

Mi dang ruok chun, “Elija a ni chu,” an ta; mi dangin, “Zâwlnei a ni chu, zâwlneihai laia pakhat ang kha,” an ta.

MARKA 8:28

Anni chun, “ ‘Baptistu Johan an ti che a’; mi dangin ‘Elija,’ a ṭhen ruok chun, ‘Zâwlnei tu amanih’ an ti che a,” tiin an hril a.

LUKA 9:19

Chun, anni chun, “ ‘Baptistu Johan,’ an ti che a, nisienlakhawm, ṭhenkhatin, ‘Elija,’ ṭhenkhatin, ‘Tienlai zâwlnei tû amanih a tho nâwk tah a nih,’ an ti che,” tiin an dawn a.

JOHAN 1:21

Chun, anni chun a kuomah, “Tû am i ni leh? Elija i ni?” an ta, an indawn a. Ama chun, “Ka ni nawh,” a ta. “Zâwlnei kha i ni?” an ta, ama chun, “Ni lo e,” a ta, a dawn a.