LUKA 9:42 - Pathien Lekhabu Inthieng (BSI)

⁴² Chun, a hung laiin, khawhri chun a sukthlûk rak a, nasatakin a sawisa ta a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk ta a.

LUKA 9:42 ပူးပေါင်းရင်းမြစ်များ

1 LALHAI 17:23

Elija chun naupang chu a ṭhuoi a, pindana inthawk chun in sûngah a fe thlâkpui a, a nu a pêk ta a; Elija chun, “En ta, i naupa hi a dam nâwk tah,” a ta.

2 LALHAI 4:36

Chun, Gehazi chu a ko a, “Sunamnu kha hung ko rawh,” a ta. Ama chun nuhmei chu a hung ko a, a kuoma a hung lût chun, a kuomah, “I naupa kha pawm rawh,” a ta.

MARKA 9:20

Chun, ama chu Isu kuomah an hung ṭhuoi a; chuongchun, khawhri chun ama a hmu phingleh, naupang chu nasatakin a sawisa nghâl ta a; chuongchun, hnuoiah a tlu a, chilhuom tla reiruiin ân tleng ta tawp tawp a.

LUKA 7:15

Chun, mithi chu a ṭhung dawk a, a hung ṭawng ta a. Chun, Isûn a nu kuomah a pêk ta a.

LUKA 9:39

Ngai ta, khawhriin a man hlak a, a khêk suok thut hlak, chuongchun, a chilhuom tla khawpin a sawisa hlak a, nasataka sukhliemin a mâksan ṭâwk hlak.

LUKA 9:41

Chun, Isûn “Ruolthar ringna nei lova kâwmawhai, ieng chen am in kuomah um ka ta, ngaithei ka ti cheu a? I naupa chu hitaka hin hung ṭhuoi rawh,” a ta, a dawn a.

LUKA 9:43

Chun, mi po poin Pathien ropuizie chu mak an ti hle a. Chuongchun, mi po po chun a thilthaw po po chu mak an ti lai chun, Isûn a închûktirhai kuoma chun,

JOHAN 6:19

Chun, fîng sâwmhni panga amanih, fîng sâwmthum amanih an kar chun, Isu chu dîl chunga chun kea lâwna, lawng hung hnaiin an hmu a, an ṭi a.

THILTHAWHAI 9:41

Chun, Peter chun a kut a pêk a, a keitho ta a; chun, mi inthienghai le hmeithaihai chu a ko a, damin an kuomah a ṭhuoi ta a.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuipuia um po pohai, in chung a rik ie! Diebol chun hun tlâwmte chau a nei tah ti hrea lunginsen bêk bêka in kuoma a hung thla ta leiin,” a ti ka hriet a.