LUKA 9:41 - Pathien Lekhabu Inthieng (BSI)

⁴¹ Chun, Isûn “Ruolthar ringna nei lova kâwmawhai, ieng chen am in kuomah um ka ta, ngaithei ka ti cheu a? I naupa chu hitaka hin hung ṭhuoi rawh,” a ta, a dawn a.

LUKA 9:41 ပူးပေါင်းရင်းမြစ်များ

2 LALHAI 5:8

Nisienlakhawm, Elisa Pathien mi chun Israel lal chun a puonhai a keithlêr ti a hriet phingleh lal kuoma chun mi a tir a, “Iengdinga i puonhai i keithlêr am a na? tuhin ama chu ka kuomah inhungtir la, chuongchun, Israel rama hin zâwlnei a um ti hrieng a tih,” a ta.

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

FESUOKNA 16:28

Chun, Lalpain Mosie kuomah, “Ka thupêkhai le ka dânhai chu zâwm nuom lovin ieng chen am in um ding a na?

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

NAMBAR 14:11

Chuongchun, Lalpain Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring lovin an um ding a na? Hriin hrem ka ta, suklungzîng ka tih;

NAMBAR 14:27

“Hieng mi rilo pungkhâwmhai, ka chunga chier hlakhai hi ieng chen am dâwng ka ti aw? Israel mipuihai chierna, ka chunga an chiernahai chu ka hriet deh.

MATTHAI 11:28

“Nangni sininrim le phur rik phur po pohai, ka kuomah hung unla, keiin inchâwltir ka ti cheu.

MATTHAI 12:39

Ama ruok chun an kuomah, “Ruolthar suoltak le uire hmang takhai chun inchikna an zawng a; nisienlakhawm, zâwlnei Jona inchikna chau naw chu an kuomah inchikna hrim hrim pêk ni naw ni;

MATTHAI 12:45

Chu phingleh a va fe a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a, chu mihriem um dân nuhnung lem chu a hmasa nêkin a hung ṭha naw lem hlak a nih. Chuong ang bawkin tulai ruolthar suol takhai chunga hin la um a tih,” tiin a dawn a.

MATTHAI 16:4

Ruolthar suol tak le uire hmanghai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

MATTHAI 17:17

Chun, Isûn, “Ruolthar ringna nei loa kawmawhai, ieng chen am in kuomah um ka ta, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 23:36

Titakzetin ka hril cheu hi, chuong po po chu tulai ruoltharhai chunga hin la tlung a tih.

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni si a.

MARKA 10:49

Isu chu a lo ngîr a, “Ama chu hung ko ta u,” a ta. Chun, mitdel chu an ko a, a kuomah, “Lungmuongtakin um rawh, a ko che,” an ta.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

LUKA 8:25

Chun, an kuomah, “In ringna khâwlai am a um a?” a ta. Chun, an ṭi a, mak an ti hle a, “Hi mipa hi tu am a ni leh? thli le tui chen khawm thu a pêk a, an awi hi,” an inti tâwl a.

LUKA 9:40

Chun, i închûktirhai kuomah hnawt dawk dingin ka ngên a, an thei si naw a,” a ta.

LUKA 9:42

Chun, a hung laiin, khawhri chun a sukthlûk rak a, nasatakin a sawisa ta a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk ta a.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring lovin um naw la, ring el rawh,” a ta.

THILTHAWHAI 13:18

Kum sâwmli lai thlalêra khan an thilthawhai chu a en thei zing a.

THILTHAWHAI 2:40

Chun, thu dang tamtakin a hrilfie a, “Tulai ruolthar rilohaia inthawk hin insukhim ro,” tiin ân fui a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

DÂN PAHNINA 32:5

Ṭha nawtakin a chungah an thaw a, a nauhai an ni ta naw an demkaina leiin, Suon bengtlanaw le kâwmaw an nih.

HEBRAIHAI 3:19

Chuongchun, ring nâwna leiin an lût thei ta nawh ti ei hriet a nih.

HEBRAIHAI 4:11

Chuongchun, tûkhawm chu thuawi nawna leia an tlûk anga ei tlûk nâwna dingin, chu châwlnaa lût ding chun ṭhahnem ngai ei tiu.

HEBRAIHAI 4:2

An kuoma hril a ni ang bawk khan Chanchin Ṭha chu ei kuoma hril a ni ngei si a; nisienlakhawm, an thu ngai chun anni a sukṭhahnem si naw a, ngaitu taktakhai leh ringnaa zawmin an um naw leiin.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.