LUKA 9:33 - Pathien Lekhabu Inthieng (BSI)

³³ Chun, anni chun Isu an mâksan ding laiin, Peterin Isu kuomah, “Inchûktirtu, ei ta dingin hitaka um zing hi a ṭha; bâwkte pathum khâwng kan tih, i ta dingin pakhat, Elija ta dingin pakhat, Mosie ta dingin pakhat,” a ta, a thu hril khawm hre lovin.

LUKA 9:33 ပူးပေါင်းရင်းမြစ်များ

INPÂKNA HLABU 27:4

Lalpa kuomah thil pakhat ka hni a chu mawl chu zawng ka tih, Lalpa mawizie hmu ding le a biekina thu indawn dingin, Ka dam sûng poa Lalpa ina ka um zing theina ding chu.

INPÂKNA HLABU 73:28

Keia ta ding chun Pathien hnai hi a ṭha a nih; Lalpa Pathien chu kân humhimna dingin ka hmang a, I sinthaw po po thu ka hril theina dingin.

MATTHAI 17:14

Chun, mipui kuom an hung tlung chun, mi pakhat a kuomah a hung a, a hmaa dingṭhaṭhuonin,

MATTHAI 17:4

Chun, Peterin Isu a biek a, “Lalpa, ei ta dingin hitaka um hi a ṭha; i nuom chun hitaka hin bâwkte pathum khâwng ka ta; i ta dingin pakhat, Mosie ta dingin pakhat, Elija ta dingin pakhat,” a ti a.

MARKA 10:38

Isu ruok chun an kuomah, “In hni chu in hriet naw a nih. Ka no dâwn ding chu in dâwn thei am a nih? Ka baptisma chang ding khawm chu in chang thei am a nih?” a ta.

LUKA 5:5

Chun, Simonin a kuomah, “Inchûktirtu, inrimtakin zânkhawvârin kan thaw a, iengkhawm kan man naw a; nisienlakhawm, i thuin lênhai dêng nâwk ka tih,” a ta, a dawn a.

LUKA 9:34

Chun, chuong thu chu a hril laiin sûm a hung zîng a, anni a hlie ta a; sûma chun an lût laiin an ṭi a.

LUKA 9:49

Chun, Johan chun, “Inchûktirtu, tu amanih i hminga khawhrihai hnawt dawk kan hmu a, kan zuina chea a ṭhang ve naw leiin kan khap el annaw,” a ta, a dawn a.

JOHAN 14:8

Philipin a kuomah, “Lalpa, Pa chu keini mîn hmutir ta la, chuongchun, kan ta dingin hun a tih,” a ta.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.