LUKA 9:12 - Pathien Lekhabu Inthieng (BSI)

¹² Chun, khuo a hung inhnu ding a ni ta a, sâwm le pahnihai chu an hung a, a kuomah, “Ei kâwl vêl khuoahai le loahai fea, tlung in le fâk ding an hmu theina dingin mipui hi infetir ta la; hi, thlalêr hmuna um ei ni si a,” an ta.

LUKA 9:12 ပူးပေါင်းရင်းမြစ်များ

EZEKIEL 34:25

Anni le inremna thuthlung siem ka ta, rama inthawk chun ramsa rilohai chu inrêmtir vawng ka tih; thlalêra chun himtakin chêng an ta, rampui hnuoia chun zâl an tih.

HOSEA 13:5

Ram ṭâwl nasatak, thlalêra inruolpui hlak che kha ka nih.

MATTHAI 14:13

Chun, Isûn chu chu a hrietin, chutaka inthawkin thlalêr hmun tieng lawngin a tumin a fe ta a. Nisienlakhawm, mipuihai chun an hriet phingleh khuoa inthawk dâm chun kea fein an zui ta a.

MATTHAI 15:23

Ama ruok chun bau khat khawmin a dawn nawh. Chun, a inchûktirhai chun, “Ei hnungah a khêk a khêk si a, infetir el ta la,” tiin an hung ngên a.

MATTHAI 15:32

Chun, Isûn a inchûktirhai chu a ko a, “Mipuihai hi tuhin ka kuomah ni thum an um ta a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.

LUKA 9:11

Nisienlakhawm, mipuihai chun an hriet a, an zui pei a; chun, ama chun anni chu a lo lâwm a, Pathien ram thu a hril a, sukdam ngaihai chu a sukdam a.

LUKA 9:13

Ama ruok chun an kuomah, “Nangnîn fâk ding pe ro,” a ta. Anni chun, “Hieng mi po po ta ding hin fâk ding kan vân châwkpêk naw chun, beiphêk panga le nga pahni chau naw chu iengkhawm kan nei nawh,” an ta.

JOHAN 6:1

Chuong thil hnunga chun Isu chu Galili dîl, Tiberi dîl an ti râlkhing tieng chun a fe ta a.

PHILIPPI 1:19

Chu chu in mi ṭawngṭaipêkna lei le Isu Krista Thlarau a mi pêk leiin ka sandamna hung ning a tih ti ka hriet si a.