LUKA 9:11 - Pathien Lekhabu Inthieng (BSI)

¹¹ Nisienlakhawm, mipuihai chun an hriet a, an zui pei a; chun, ama chun anni chu a lo lâwm a, Pathien ram thu a hril a, sukdam ngaihai chu a sukdam a.

LUKA 9:11 ပူးပေါင်းရင်းမြစ်များ

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

MATTHAI 12:15

Nisienlakhawm, Isûn chu chu a hrietin, chutaka inthawk chun a fe hmang ta a.

MATTHAI 14:14

Chuongchun, ama chu vapanga a suok chun, mipui nasatak a hmu a; a lunginsiet bêk bêk a, an damnawhai a sukdam a,

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

MATTHAI 21:43

“Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

LUKA 1:53

Phîng ṭamhai chu thil ṭhatakin a sukkhawp ta a, Hausahai chu kutruokin ân fe hmangtir ta a.

LUKA 5:31

Chun, Isûn an kuomah, “Mi hrisêlhai chun dâktawr an ngai naw a, mi hrivawisiehai lemin an ngai a nih.

LUKA 8:1

Chun, a nakie deu chun Isu thu hril le Pathien ram Chanchin Ṭha intlun pei pumin khaw lien le khaw têhai a fang pei a, a kuomah sâwm le pahnihai chu an um a;

LUKA 8:10

Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

LUKA 9:10

Chun, tirkohai chu an hung nâwkin, a kuomah an thilthawhai an hril a. Chun, ama chu anni atuma ṭhuoiin Bethsaida an ti khuoa chun a fe ta a.

LUKA 9:12

Chun, khuo a hung inhnu ding a ni ta a, sâwm le pahnihai chu an hung a, a kuomah, “Ei kâwl vêl khuoahai le loahai fea, tlung in le fâk ding an hmu theina dingin mipui hi infetir ta la; hi, thlalêr hmuna um ei ni si a,” an ta.

LUKA 9:2

Chuongchun, Pathien ram thu hril ding le, damnawhai sukdam dingin a tir suok ta a.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

THILTHAWHAI 28:31

Pathien ram thu a hril a, Lal Isu Krista thu khawm huoitakin ân chûktir hlak, tukhawmin ama an khap si naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:14

Anleh, an awi naw chu iengtin am lam an ta? A thu an hriet naw chu iengtin am awi an ta? Thuhriltu um lovin iengtin am hrieng an ta?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlak a; chun, hrietna chu Isu Krista leiin a hung um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:3

Krista khawm chun mâni lâwmna a zawng si naw a. “Nangma haltuhai halna che chu keia chungah a tla tah,” ti ziek ang khan a um lem.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.

HEBRAIHAI 4:16

Chuongchun, zângaina ei hmu theina ding le, ṭhangpui ei ngai phaa ṭhangpuina lunginsietna chu ei hmu theina dingin lunginsietna lalṭhungpha chu huoitakin hnai ei tiu.