LUKA 9:1 - Pathien Lekhabu Inthieng (BSI)

¹ Chun, Isûn sâwm le pahnihai chu a ko khâwm a, khawhri po po chunga thilthawtheina le thuneina le natnahai sukdam theina a pêk a.

LUKA 9:1 ပူးပေါင်းရင်းမြစ်များ

MATTHAI 16:19

Vân ram chabihai pêng ka ti che a, hnuoi chunga iengkhawm i phuor taphawt vânah phuor ning a ta; hnuoi chunga iengkhawm i sût taphawt chu vânah sût ning a tih,” a ta, a dawn a.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 8:9

Kei khawm mi thua um ka na, ka hnuoiah sipaihai an um a; chu mipa kha mipa chu, ‘Fe rawh,’ ka ti leh a fe hlak; mi dang kuoma khawm, ‘Hung rawh,’ ka ti leh a hung hlak, ka suok kuoma khawm, ‘Ahi thaw rawh,’ ka ti leh a thaw hlak,” tiin a dawn a.

LUKA 10:1

Chu zoa chun Lalpân mi dang sâwmsari a ruot a, a fena ding khaw tina le hmun tinah, a hmaah pahni peiin a tir a.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 3:16

Chun, ama hming ring leiin, a hming chun hi mipa in hmu le in hriet hlak hi a sukhrât tah a nih; anih, ama leia ringna hung um hin, in rênga mithmuah a sukdam var tah a ni hi.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

THILTHAWHAI 9:34

Chun, Peter chun a kuomah, “Ainia, Isu Krista chun a sukdam che; tho la i puonpha ziel rawh,” a ta. Chuongchun, a tho nghâl ta a.