LUKA 8:35 - Pathien Lekhabu Inthieng (BSI)

³⁵ Chun, thil um dân chu en dingin mihai an suok tâwl a; chun, Isu kuom an hung tlung a, khawhri isuoksanpa chu puon sila lungvar pângngai putin, Isu ke bula ṭhung an hung hmu a; chuongchun, an ṭi ta a.

LUKA 8:35 ပူးပေါင်းရင်းမြစ်များ

INPÂKNA HLABU 51:10

Aw Pathien, keimaa hin lungril inthiengtak siem la, Ka sûnga hin thlarau indiktak siem thar nâwk rawh.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MARKA 5:15

Chun, Isu kuom an hung tlung a, khawhri iman, Legion iman kha, puon sila, lungril ngai puta ṭhung an hmu a, chuongchun, an ṭi ta a.

LUKA 10:39

Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.

LUKA 15:17

“Chun, ân hriet suok phingleh, ‘Ka pa kuoma inhlâwfahai bu fâk sêng lova nei an tam vei leh, kei hlak chu hitaka hin phîngṭâmin ka thi ding a ni si a!

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu ta a.

LUKA 8:27

Chun, khawmuola a suokin, khuoa mi khawhri iman tûin amanih ân tuokpui a; ina hrim khawm a um naw a, thlânahai a um lem hlak a.

LUKA 8:34

Chun, a vaituhai chun chu thil umzie chu an hmu a, an tlân a, khuoa le loahai chun an hril a.

THILTHAWHAI 22:3

chun, ama chun, “Juda mi ka nih, Kiliki ram Tarsa khuoa pieng ka nih; nisienlakhawm, hi khuoa hin Gamaliel ke bula inchûka inṭhang lien ka nih, ei thlatuhai Dân khermeitak chu inchûka um hlak ka nih, vawisûna nangni ang tak hin, Pathien ta dinga ṭhahnem bawk hlak ka nih.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.