LUKA 8:30 - Pathien Lekhabu Inthieng (BSI)

³⁰ Chun, Isûn, “I hming ieng am a na?” tiin ân dawn a. Ama chun, “Legion,” a ta, (a sûnga khawhri tamtak an lût leiin).

LUKA 8:30 ပူးပေါင်းရင်းမြစ်များ

MATTHAI 26:53

Tukhawm hin vântirko sâng ruk hmun sâwm le hmun hni nêka tam lem mi hung tirpêk dingin ka Pa kuomah ngên thei naw dingin in mi ring am a nih?

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

MARKA 16:9

[Chun, ni saria ni hmasatak, zîngkâra a thonâwk chun, Mari Magdalin, a sûnga inthawka khawhri pasari a hnawt suokpêk kuoma khan ân lâr hmasatak a.

MARKA 5:9

Chun, Isu chun, “I hming ieng am a na?” tîn ân dawn a. Ama chun a kuomah, “Ka hming chu Legion a nih, tamtak kan ni si a,” a ta.

LUKA 8:2

nuhmei tuhai amanih, khawhri zâwl dam nâwkhai leh, na dam nâwkhai leh, chuong nuhmeihai chu Mari, a sûnga inthawka khawhri pasari suok Magdalin an iti hai,

LUKA 8:29

(Isûn khawhri inthieng naw chu, chu mipa sûnga inthawka suok dingin thu a lo pêk ta si a. Chu mipa chu khawhri chun a man rawp hlak a nih; mihaiin khaidiet le kawl an inbuntir hlak a, an vêng zing hlak a; nisienlakhawm, a khuopnahai chu a suktan a, khawhri chun thlalêrahai a hnawt suok hlak).