LUKA 8:28 - Pathien Lekhabu Inthieng (BSI)

²⁸ Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achunghnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

LUKA 8:28 ပူးပေါင်းရင်းမြစ်များ

ISAI 27:1

Chu nia chun Lalpa chun a kâwlhnâm ngei ṭhatak, lientak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

LUKA 8:27

Chun, khawmuola a suokin, khuoa mi khawhri iman tûin amanih ân tuokpui a; ina hrim khawm a um naw a, thlânahai a um lem hlak a.

LUKA 8:29

(Isûn khawhri inthieng naw chu, chu mipa sûnga inthawka suok dingin thu a lo pêk ta si a. Chu mipa chu khawhri chun a man rawp hlak a nih; mihaiin khaidiet le kawl an inbuntir hlak a, an vêng zing hlak a; nisienlakhawm, a khuopnahai chu a suktan a, khawhri chun thlalêrahai a hnawt suok hlak).

JAKOB 2:19

Pathien chu pakhat a ni ti i ring a ni maw? I ti ṭha, khawhrihai khawmin an ring a, an inthin hlak a nih,” tîng a tih.

2 PETER 2:4

Vântirkohaiin thil an suksuol lai khan Pathienin a hla naw a, hremhmunah a pei a, rorêlpêk dinga khêk dingin khur inthimah a khum lem si a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.