LUKA 8:25 - Pathien Lekhabu Inthieng (BSI)

²⁵ Chun, an kuomah, “In ringna khâwlai am a um a?” a ta. Chun, an ṭi a, mak an ti hle a, “Hi mipa hi tu am a ni leh? thli le tui chen khawm thu a pêk a, an awi hi,” an inti tâwl a.

LUKA 8:25 ပူးပေါင်းရင်းမြစ်များ

THUVARHAI 30:4

Tu am vâna chun a hang lâwnin a hung ṭum leh? Tuin am a kuttum sûngah thli chu a siekhâwl hlak a? Tuin am a silfênin tuihai chu a ting hlak a? Tuin am hnuoi kil tâwphai po po chu a tungding a? A hming ieng am a na, a naupa hming khawm ieng am a na, i hriet am?”

THUVARHAI 8:29

Chuong lai chun tuipui ta dingin tiemchin a pêk a, Tuihai chun a thupêk chu an bawsiet nawna dingin, Leihnuoi lungphûmhai chu a ruot lai chun:

MATTHAI 14:31

Chun, Isûn a ban nghâl ta a, ama chu a chel a, a kuomah, “Nang ringna tlâwm, iengdinga i ringhla am a na?” a ta.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 6:30

Chuongchun, ram hlohna, vawisûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?

MATTHAI 8:10

Isûn chuong thu chu a hrietin mak a ti hle a, ama zuituhai kuoma chun, “Titakzetin ka hril cheu, Israelhai lai khawm hieng ang lâwma ringna nasa hi ka hmu nawh.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 4:35

Chun, chu ni ma, zântieng chun ama chun an kuomah, “Râlkhing tieng sawn kai ei tiu,” a ta.

LUKA 12:28

Chuongchun, ram sâwlhna vawisûn anga hring, a zînga thuka ti nâwk el ding hman, Pathienin chuong ang lâwma a chei chun, aw, nangni ringna tlâwmhai, chuonghai nêk chun silfên a va pêk âwm cheu de e!

LUKA 8:24

Chun, a kuomah an va fe a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal ta a; chun, a ma a, a re ta a.

LUKA 8:26

Chun, Galili ram zâwna Gerasin mihai ram chu an tlung a.

JOHAN 11:40

Isûn a kuomah, “I ring chun Pathien ropuizie hmûng i tih, ka ti naw che am a nih?” a ta.