LUKA 8:24 - Pathien Lekhabu Inthieng (BSI)

²⁴ Chun, a kuomah an va fe a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal ta a; chun, a ma a, a re ta a.

LUKA 8:24 ပူးပေါင်းရင်းမြစ်များ

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

ISAI 50:2

Ieng leiin am ka hung khan mi hrim hrim an um naw a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthawtheina hrim hrim ka nei nâwm a nih? Ngai ta u, ka kâwknain tuipui ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thu a, dangchârin an thi hlak.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

NAHUM 1:4

Tuipui chu a hal a, a kang chat a, vadunghai po po khawm chu an kang zo a, Basan ram le Karmel tlânghai an chul zo a, Lebanon tlâng pârhai an chuoi zo.

MATTHAI 14:30

Nisienlakhawm, thli hrâng chu a hmuin a ṭi a; chun a tlum vâng vâng a, “Lalpa, mi sandam rawh” tiin a khêk ta a.

MATTHAI 8:25

A kuomah an hung a, an keitho a, “Lalpa, mi sanhim rawh, kan bohmang ding annâwm hi,” an ta.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

LUKA 4:35

Chun, Isûn a hal a, “To la, a sûnga inthawkin hung suok rawh,” a ta. Chun, khawhri chun a laiah a sukthlûk zet a, sukna lovin a sûnga inthawk chu a hung suok ta a.

LUKA 4:39

Chun, a kâwlah a ngîr a, khawsik chu a hal a, a bo ta a; chun, a tho nghâl ta a, an rawng a bâwlpêk ta a.

LUKA 5:5

Chun, Simonin a kuomah, “Inchûktirtu, inrimtakin zânkhawvârin kan thaw a, iengkhawm kan man naw a; nisienlakhawm, i thuin lênhai dêng nâwk ka tih,” a ta, a dawn a.

LUKA 8:25

Chun, an kuomah, “In ringna khâwlai am a um a?” a ta. Chun, an ṭi a, mak an ti hle a, “Hi mipa hi tu am a ni leh? thli le tui chen khawm thu a pêk a, an awi hi,” an inti tâwl a.