LUKA 8:22 - Pathien Lekhabu Inthieng (BSI)

²² Chun, chuong lai chun ni khat chu lawngah a chuong a, a închûktirhai leh; chun, an kuomah, “Dîl râl khingtieng sawn kai ei tiu,” a ta. Chuongchun, lawng chu an sût a, an fe ta a.

LUKA 8:22 ပူးပေါင်းရင်းမြစ်များ

MATTHAI 14:22

Chun, mipuihai chu ân ṭîntir vêl sûngin, a fe hmaa râlkhing tienga fe dingin inchûktirhai chu lawngah ân chuongtir nghâl a.

MATTHAI 8:18

Chun, Isûn, mipui nasatak a vêla a hmuin râl khingtienga fe dingin thu a pêk a.

MARKA 5:21

Chun, Isu chu lawnga râl khing tieng a hung kai nâwk chun, mipui nasatak a kuomah an hung khâwm a, ama chu dîl panga chun a um a.

MARKA 6:45

Chun, ama ngeiin mipui chu ân ṭintir sûngin râl khing tienga Bethsaidaa lo fe hmasa dingin a inchûktirhai chu lawngah ân chuong tir nghâl ta a.

MARKA 8:13

Chun, anni chu a mâksan a, râl khing tieng a fe ta a.

LUKA 5:1

Chun, mipuiin Pathien thu an ngai a, ama an bâwr hut hut laiin, ama chu Gennesaret dîl panga chun a ngîr a.

LUKA 8:23

Chun, an fe laiin Isu a lo in innghil a; chun, dîla chun thlipui a hung hrâng a, an lawng chu tuiin a sip vâng vâng a, nasataka ṭitumnaah an um ta a.

LUKA 8:33

Chun, khawhrihai chu chu mipa sûnga inthawk chun an suok a, vawkhai sûnga chun an lût a; chun, vawk ruol chu râwlah an tlân thla hum hum a, dîlah an tlân lût a, tui inhâkin an thi ta a.

JOHAN 6:1

Chuong thil hnunga chun Isu chu Galili dîl, Tiberi dîl an ti râlkhing tieng chun a fe ta a.

THILTHAWHAI 27:2

Augusta pâwla mi sipai za hotu Julia an inkawltir a. Adramuttium khaw lawngi Asia ram tuipui panga khaw umhai sir dingin kan chuong a, tuipuiah kan fe ta a; Makedonia rama mi Aristarka, Thessalonikaa mi kan kuomah a um a.