LUKA 8:10 - Pathien Lekhabu Inthieng (BSI)

¹⁰ Ama chun, “Pathien ram thurûk chu nangni ihriet chu phal a na, mi dang kuoma ruok chu tekhithu chaua hril a nih; hmu hai sienla khawm, hmu naw an ni theina dingin, nain hrehai sienla khawm a ngaina an hriet thei nawna dingin.

LUKA 8:10 ပူးပေါင်းရင်းမြစ်များ

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

ISAI 29:14

chuleiin, ngai ta, hienghai lai hin thilmak thaw nâwk nghâl ka ta, thilmak, thilmaktak el chu; chuongchun, an mi varhai varna chu bohmang tâng a tih, an mi bengvârhai hrietna chu thupin um tâng a tih,” a ta.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

EZEKIEL 12:2

“Mihriem naupa, nang sûngkaw hel hmang, hmûna dinga mithai nei si a, hmu lohai, hrietna dinga nahai nei si a, hre lohai laia chêng, sûngkaw hel hmang an ni si a.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

MATTHAI 16:17

Chun, Isûn a kuomah, “Simon Bar-Jona, i hamṭha ie; tisa le thisenin ân hriettir che a ni si naw a, ka Pa vâna mîn ân hriettir lem che a nih.

MARKA 4:11

Chun, ama chun an kuomah, “Pathien ram thurûk chu nangni hai hriet chu phal a na, puotienga mihai ta ding ruok chun iengkim tekhithua hril a nih;

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

JOHAN 12:40

“Amain an mit a sukdel a, An lungril a sukngar a; Chuong naw chun, an mitin hmu rawi an ta, An lungrilin hrethiem rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:25

Tuhin ama chun, ka Chanchin Ṭha hril le, Krista thuhril le, kumkhuoa thurûk inthup suklanga um anga chun nangni a sukhrât thei cheu a.

1 KORINTH 12:11

nisienlakhawm, chuong po po chu Thlarau thuhmun bawk chun, mi tin kuomah a nuom ang peia semin sin a thaw hlak.

DÂN PAHNINA 29:4

Nisienlakhawm, Lalpain vawisûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”