LUKA 7:40 - Pathien Lekhabu Inthieng (BSI)

⁴⁰ Chun, Isûn a kuomah, “Simon, i kuomah thu bau khat hril ding ka nei,” a ta, a dawn a. Chun, ama chun, “Hril ta la, Inchûktirtu,” a ta.

LUKA 7:40 ပူးပေါင်းရင်းမြစ်များ

1 LALHAI 2:14

Chun, ama chun, “Ṭha tieng thuah nih e,” a ta. Chun, “I kuomah ieng am a nih hril ding ka nei a,” a ti nâwk a. Ama chun, “Hril ta la,” a ta.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MATTHAI 26:49

Chuongchun, Isu chu a va pan nghâl ta a. “Chibai, Rabbi,” tiin a fâwp ta ngâwi ngâwi a.

MATTHAI 7:22

Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.

LUKA 18:18

Chun, hotu tûin amanih a kuomah, “Inchûktirtu ṭha, chatuona hringna ka nei theina dingin ieng am thâwng ka ta?” a ta.

LUKA 5:22

Chuongchun, Isûn an ngaituo chu a hriet a, an kuomah, “In lungrilah ieng am in ngaituoh a?

LUKA 5:31

Chun, Isûn an kuomah, “Mi hrisêlhai chun dâktawr an ngai naw a, mi hrivawisiehai lemin an ngai a nih.

LUKA 6:8

Nisienlakhawm, ama chun an lungril chu a hriet a, kut zeng kuoma chun, “Tho la, a laiah ngîr dawk rawh,” a ta. Chun, a tho a, a ngîr dawk ta a.

LUKA 7:39

Chun, a fieltu Pharisai chun a hmu chun, a lungrilin, “Hi mipa hi zâwlnei a ni chun a themtu nuhmei hi tu am a ni, mi ieng ang am a ni hre âwm tak, mi suol a ni si a,” a ta.

LUKA 7:41

Chun, Isûn “Tangka inpûktirtu tuin amanih leibattu pahni a nei a; pakhatin duli za nga a bat a, pakhatin sâwmnga.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

JOHAN 16:19

Chun, ama indawn an nuom ti Isûn a hriet a, an kuomah, “ ‘Sâwt nawtêah nangnîn kei mi hmu naw ti niu, sâwt nawtêa bawk nangnîn kei mi hmu nâwk in tih,’ tia hi ka thu hril hi in indawn maw?

JOHAN 16:30

Nangin iengkim i hriet a, tukhawm indawn che i ngai nawh ti tuhin kan hriet tah; hi hi lei hin Pathien kuoma hung suok i ni ti kan awi ie,” an ta.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.