LUKA 7:37 - Pathien Lekhabu Inthieng (BSI)

³⁷ Chun, ngai ta, chu khuoa nuhmei suol pakhat um chun, Pharisai inah thlaithlêng awtin a ṭhung ti a hriet phingleh alabastar bûrin hriek rim inhnik a hung chawi a.

LUKA 7:37 ပူးပေါင်းရင်းမြစ်များ

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

LUKA 19:7

Chun, chu chu an hmu phingleh an rêngin, “Mi suol kuoma tlung dingin a lût ta saw,” an ti a, an chier a.

LUKA 5:30

Chun, Pharisaihai, an Dân inchûktirtuhai le chun a închûktirhai chungah an chier a, “Ieng dinga siedâwltuhai le mi suolhai lai in fâk a in dâwn am a na?” an ti a.

LUKA 5:32

Mi feltakhai lam dinga hung ka ni naw a, mi suolhai lama insimtir dinga hung ka ni lem,” a ta, a dawn a.

LUKA 7:34

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw!’ in ti si a.

LUKA 7:36

Chun, Pharisaihai laia mi pakhatin a kuomah bu fa dingin a fiel a. Chun, Pharisai ina chun a lût a, thlaithlêng a awt a.

JOHAN 11:2

(Mari, hriek rim inhnik Lal chu nâla, a sama a ke hrutu kha, kha minu ṭapa Lazar a nih dam naw chu.)

JOHAN 9:24

Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.

JOHAN 9:31

Pathienin mi suol thu a ngai ngai nawh ti ei hriet; nisienlakhawm, tukhawmin Pathien a ngaisak a, a dit zâwng a thaw chun, Pathienin ama chu a thu a ngai hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:8

Nisienlakhawm, Pathien chun a mi hmangaina chu inpâk tlâkin ân langtir a, mi suolhai ei la ni laia Krista eini aia a thinaa khan.

1 TIMOTHE 1:15

“Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

1 TIMOTHE 1:9

Hieng hi hre hai sienla, “Dân hi mi feltak ta dinga siem a ni naw a, dân pawisa nawhai le dân bawsiehai ta ding dâm, mi inthieng nawhai le Pathien inzâ nawhai ta ding dâm, pahai thattuhai le nuhai thattuhai ta ding dâmin,

1 PETER 4:18

Chun, mi fel hman sandam hrâm hrâm a ni chun, Pathien ngaisak naw le mi suol chu khâwlai am inlang phâk hlak an ta?