LUKA 7:25 - Pathien Lekhabu Inthieng (BSI)

²⁵ Annawleh, ieng en ding takin am in hang fe a? Puon innêm sil maw? Ngai ro, puon innêm sil le mi inhawitirhai chu lal inahai in sawnnaw an um.

LUKA 7:25 ပူးပေါင်းရင်းမြစ်များ

2 SAMUEL 19:35

Tuhin kum sâwmriet mi ka na, a sie le ṭha khawm thlier thei am ka la nih? I siehlaw hin ka thil fâk le dâwn hi ân hnik naw khawm ka hriet hran thei ta am a nih? Nuhmei le pasal hla sak ri khawm ka hriet hran thei ta am a nih? Chuleiin, i siehlaw hi iengdingin am ka pu ta ding hin phurrik ni el ka ta?

1 LALHAI 10:5

a dawkâna fâk ding dâm, a upahai ṭhung dân dâm, a rawngbâwltuhai chângvêl dân dâm, an inchei dân dâm, a no inhlântuhai dâm, Lalpa ina ân hlân pumrawhmang thilinhlâna ân hlânhai a hei hmu chun lungril alêm a nei ta naw a.

2 LALHAI 1:8

Anni chun, “Ama chu sahmul puon sila, a kâwng chu kâwngkhia inhrên a nih,” tiin an dawn a. Chun, ama chun, “Tisbe mi Elija kha a ni chu,” a ta.

ESTHER 1:11

lalnu Vasti chu lallukhum khuma lal hmaa chun hung ṭhuoia, mi ṭhahai le mipuihai chu a hmêl ṭhatzie chu inentir dingin thu a pêk ta a; hang en hin ama hlak chu a hmêl a ṭha hle el bawk si a.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭhe a; Media le Persia ram thilthawtheihai, mi ṭhahai le lal nauhai, chu rambunga mihai chu a hmaa chun an um a;

ESTHER 4:2

lal kul kawtkhâr hmaa ngei khawm chun a hung a, saiip puon silin tukhawm lal kul kawtkhâr chu an lût thei ngai naw hrim a na.

ESTHER 5:1

A ni thum ni chun, Esther chu a lal puonin ân thuom a, lal in zâwn tak, lal in tuollai sûnghnung lema chun a ngîr ta a; lal khawm chu in lûtna zâwn takah, lal ina lalṭhungphaa chun a ṭhung a.

ESTHER 8:15

Chun, Mordekai chu lal puon dumpâwl zai inhmi leh, rângkachak lallukhum ropuitak leh, lal silfên dumpâwl le vâra inthuomin lal hmaihmaa chu a fe suok ta a; chuongchun, Susa khawpui chu lâwmin a khêk ta a.

ISAI 59:17

Chun, felna chu âwmphawah a hâk a, sandamna lukhum a khum a, chun, inthuomnaa chun phubalâkna silfênhai chu ân bel a, zakawfuola chun ṭhahnemngaina a hâk a.

MATTHAI 11:8

Annawleh, ieng en ding takin am in fe suok kha? Puon innêm sil maw? Ngai ta u, puon innêm silhai chu lal inahai in sawnnaw an um.

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

MATTHAI 6:29

nisienlakhawm, ka hril cheu hi, Solomon meu khawm a ropuina po poa ân thuom khan hieng tûktinpâr pakhat tluk khawm hin cheiin a um nawh.

LUKA 16:19

“Chun, mi hausa tû amanih a um a, puon senduk le puon zai inhmitak a sil a, ni tin inhawitirtakin a um hlak a.

LUKA 7:24

Chun, Johan mi tirhai chu an fe hnungin Isûn mipuihai kuoma chun Johan thu a hril ta a, “Ieng en dingin am thlalêra khan in hang fe a? Luong thli imût hnîng maw?

LUKA 7:26

Annawleh, ieng en ding takin am in hang fe a? Zâwlnei maw? A ni ngei kha, ka ti cheu hi, zâwlnei nêk khawma ropui lem,