LUKA 6:7 - Pathien Lekhabu Inthieng (BSI)

⁷ Chun, Dân inchûktirtuhai le Pharisaihai chun, a hêkna ding an hmu theina dingin, châwlni chun a sukdam ding le ding naw an enthlit a.

LUKA 6:7 ပူးပေါင်းရင်းမြစ်များ

INPÂKNA HLABU 38:12

Ka hringna sukbo tuma zawngtuhai chun an mi âwkna dingin chânghai an kam hlak a, Ka sietna ding zawngtuhai khawm chun thu ṭha nawtakhai an hril a, Sûnnithlâkin hlêmna thuhai an ngaituo hlak.

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna dingin châng an kam hlak a, mi fel chu thil teplo mei meiin an inkhêltir hlak.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

MATTHAI 5:39

Kei ruok chun ka hril cheu hi, mi suol khing naw ro. I bieng changtienga ben taphawt che chu a khing tieng khawm dawpêk lem rawh.

MARKA 3:2

Chun, ama an hêk theina dingin Châwlnin a sukdam ding le sukdam naw ding an enthlit a.

LUKA 13:14

Chun, Isûn Châwlniin mi a sukdam leiin inkhâwmna in hotu chu a lunginsen a, mipui chu a biek a, an kuomah, “Mihriem sinthawna ding ni ruk a um annâwm; chu sûng chun hung unla, insukdam ro; Châwlnia hung lovin,” a ta.

LUKA 20:20

Chun, ama chu Bawrsâp rorêlna le thuneinaa pêk dingin, a thu hril suol la dingin an inchân zing a, enthlittu, mi ṭha anga inlang tehlêmhai chu an tir a.

JOHAN 9:16

Chun, Pharisai ṭhenkhatin, “Chu mipa chu châwlni a hlutsak naw leiin Pathien kuoma inthawka suok ni naw ni,” an ta. Ṭhenkhat ruok chun, “Mi suolin iengtin am hieng ang thilmak hi thaw thei a ta?” an ta. Anni lai inṭhena a hung um ta a.