LUKA 6:35 - Pathien Lekhabu Inthieng (BSI)

³⁵ Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr lovin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

LUKA 6:35 ပူးပေါင်းရင်းမြစ်များ

INPÂKNA HLABU 112:5

Mi lunginsieta inpûktir hlak mi chu ṭhatin a vur hlak a, Ama chu feltakin khawsâng a tih.

INPÂKNA HLABU 145:9

Lalpa chu iengkim chunga khawm a ṭha a nih; A lainatnahai chu a thil siem po po chungah a um a.

INPÂKNA HLABU 37:26

Sûnnithlâkin mi a lunginsiet a, ân pûktir hlak, A thlahai khawm an hamṭha hlak.

INPÂKNA HLABU 58:11

Chuongchun, mihaiin, “Mi fel ta ding chun lâwmman a lo um tak tak a; Hnuoia hin rorêltu Pathien a lo um tak tak a ni hi,” tîng an tih.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUVARHAI 22:9

Mi tiktlâi chu malsâwmin um a tih, Mi pase kuomah a bei chu a pêk si a.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni si a.

MARKA 5:7

Chun, râwl inringtaka khêkin, “Isu, Pathien Chunghnungtak Naupa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

LUKA 1:32

Ama chu mi lien la nîng a ta, Achunghnungtak Naupa tîng an tih; Lalpa Pathienin a thlatu David ṭhungpha chu pêng a ta;

LUKA 6:36

In Pain mî a lunginsiet angin mî lunginsiet ve ro.

JOHAN 13:35

In inhmangai tuo chun mi po poin ka închûktirhai in ni ti chutaka chun hrieng an tih,” a ta.

JOHAN 15:8

Hi hi leiin ka Pa chu chawimawiin a um hlak, tamtaka in ra hin; chuongchun, ka închûktirhai nîng in tih.

THILTHAWHAI 14:17

Nisienlakhawm, ama inhriettirna um lovin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

2 TIMOTHE 3:2

Mi mâni inhmangaitu dâm, tangka ngainatu dâm, intivei dâm, chapo dâm, Pathien hrilsetu dâm, nu le pa thuawi naw dâm, lâwm nachâng hre naw dâm, inthieng naw dâm,