LUKA 6:20 - Pathien Lekhabu Inthieng (BSI)

²⁰ Chun, a dâk suok a, a închûktirhai chu a en a, “Nangni rimsihai, in hamṭha ie, Pathien ram in ta a ni si a.

LUKA 6:20 ပူးပေါင်းရင်းမြစ်များ

INPÂKNA HLABU 37:16

Mi fel thil tlâwmte nei chu, Mi rilo thil nei hnêr hnûr nêk chun a ṭha lem dai a nih.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

THUVARHAI 19:1

Mi pasie lungril ṭhaa fetu chu, A hmûrhaia khêlinhlipa mi invêt nêk chun a ṭha lem.

ISAI 29:19

Thuhnuoirawlhai khawmin Lalpaa chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, Lalpa hming chu ring tâng an tih.

ZEKARIA 11:11

Chuongchun, chu ni chun sût a lo ni ta a, chuongchun, berâm ruol, nang kei mi pawisatu chun Lalpa thu a nih ti i hriet a.

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 5:1

Chuongchun, mipuihai chu a hmuin tlângah a lâwn a; chun, a ṭhung a, a inchûktirhai a kuomah an hung a;

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 13:28

“Abraham hai, Isak hai, Jakob hai, zâwlnei po pohai chu Pathien ram sûnga um in hmua, nangni tuola hnawt suok in ni in inhriet pha, chutaka chun ṭap le harâwt chu um a tih.

LUKA 14:15

Chun, a thlaithlêng awtpui tûin amanih chuong chu a hriet a, a kuomah, “Pathien rama bu fa ding chu a hamṭha ie!” a ta.

LUKA 16:25

“Nisienlakhawm, Abrahamin, ‘Ka naupa, i dam lai khan thil ṭha i hmu a, chuong ang bawkin Lazarin thil ṭha naw a hmu kha hre zing ta la; nisienlakhawm, ama chu tuhin hitaka hin thlamuongtakin a um a, nang chu i na a ni kha.

LUKA 4:18

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

2 KORINTH 6:10

lungngai angin, nisienlakhawm, lâwm rawp siin; pasie angin, nisienlakhawm, mi tamtak sukhausa siin; iengkhawm neilo angin, iengkim hau siin.

2 KORINTH 8:2

khânga rinuma fiena nasatak puma an hlimna a liem le an rimsikna nasatak chu an tiktlaina nasataka ân chang tâkzie kha.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

1 THESSALONIKA 1:6

Chun, thu chu rinum tuor pumin Thlarau Inthienga lâwmin in lo pawm a, keini le Lalpa inchûktuhai in lo nih.

2 THESSALONIKA 1:5

Chuong chu Pathien rama mi ni tlâka ruot in ni thei ding a nih ti Pathien rorêl feltak inchikna fietak a nih, chu ram leia chu tuor in ni hi.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

THUPUONGSUO 2:9

I rinumzie dâm, i pasietzie dâm, (nisienlakhawm i hausa si), Juda tak ni lova, Setan inkhâwmna inhai ni lem si a, Juda intihai i hrilsiet zie dâm ka hriet.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.