LUKA 5:35 - Pathien Lekhabu Inthieng (BSI)

³⁵ Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu ni ruok chun la nghei an tih,” a ta.

LUKA 5:35 ပူးပေါင်းရင်းမြစ်များ

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 9:15

Isûn an kuomah, “Mo ṭhuoituhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

MARKA 2:20

nisienlakhawm, a pasal ding chu an kuoma inthawka ṭhuoi hmang ni la hung tlung a ta, chu nia ruok chun la nghei an tih.

LUKA 17:22

Chun, inchûktirhai kuoma chun, “Mihriem Naupa dam lai nihai ni khat bêk hi in hmu nuom nihai la um a tih; nisienlakhawm, hmu ta si naw ti niu.

LUKA 5:34

Isûn an kuomah, “Mo ṭhuoituhai kuoma a pasal ding chu a um sûng po mo ṭhuoituhai chu in inngheitir thei hlak am a nih?

LUKA 5:36

Chun, an kuomah tekhithu khawm a hril a; “Tukhawmin puon thar kei thlain puon hlui an phâwk ngai nawh; phâwk ang sienla a thar chun sukthlêr a ta, a thar hlek le a hlui chu inhme bawk naw ni.

JOHAN 12:8

Pasiehai chu kumkhuoin in kuoma um an nih, kei ruok chu kumkhuoa in kuoma um ding ka ni nawh,” a ta.

JOHAN 13:33

Nauhai, sâwt nawtê in kuomah ka la um hri hi, nangnîn mi zawng in ta; chun, Judahai kuoma, ‘Ka fena dingah hung thei naw ti niu,’ ti ka hril ang khan, tuhin chuong ang bawk chun in kuomah ka hril hi.

JOHAN 16:28

Kei Pa kuoma inthawka hung suok a, khawvêla hung ka nih; khawvêl fe san a, Pa kuoma fe nâwk ding ka nih,” a ta.

THILTHAWHAI 1:9

Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang ta a.

THILTHAWHAI 14:23

Chun, kohran tinah upahai an ruot pêk pei a, bu nghei puma an ṭawngṭai zoin, an ring Lalpa kuoma chun an inkawltir pei a.

THILTHAWHAI 3:21

Amiruokchu, iengkim siem ṭhat hun a tlung hmakhat chu vânin ama chu a la kawl hri ding a nih; chu siem ṭhat ding thu chu Pathienin leihnuoi insieng tira inthawk a zâwlnei inthieng umhai bauin a hril ta kha.

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

2 KORINTH 11:27

sâwlnaa le sininrimnaahai, intheinawnaahai vawi tamtak, phîngṭâm le dangchârnaahai, bungheinaahai vawi tamtak, khawsik le saruoka umnaahai dâm ka um hlak.