LUKA 5:17 - Pathien Lekhabu Inthieng (BSI)

¹⁷ Chun, chuong lai chun, ni khat chu ân chûktir a. Chun, a kâwlah Pharisaihai le dân hretuhai ṭhungin an um a, chuonghai chu Galili ram le, Judai ram khaw tina inthawk le Jerusalema inthawka hung suok an na; chun mi sukdamna dingin Lalpa thilthawtheina chu a kuomah a um a.

LUKA 5:17 ပူးပေါင်းရင်းမြစ်များ

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 15:1

Chu lai tak chun, Jerusalema inthawkin Pharisaihai le Dân inchûktirtuhai Isu kuomah an hung a,

MARKA 1:45

Nisienlakhawm, ama chu a suok a, tlânginsamin chu thu chu a puong dar phut el ta a; chuongchun, Isu chu uolautakin khuo a lût thei ta naw a; thlalêr hmunahai a um lem ta a; chun hmun tina mi a kuomah an hung hlak a.

MARKA 16:18

Rûlhai kut chungah dawm an ta, thina tûr iengang khawm dâwn hai sienla iengkhawm ti naw ni hai; damnawhai chungah an kut innghat an ta, dam pei an tih,” a ta.

MARKA 3:22

Chun, Dân Inchûktirtuhai Jerusalema inthawka hung thlahai chun, “Beelzebub a zâwl a ni hi,” an ti a. “Khawhri lal lei annâwm khawhrihai a hnawt dawk hlak hi,” an ti bawk a.

MARKA 5:30

Chun, Isu chun a sûnga thilthawtheina chu a suok ti a lo hriet a, mipui lai chun a ngha vêl nghâl ta a, “Tu am a na ka puon them kha?” a ta.

MARKA 7:1

Chun, Pharisaihai le Dân inchûktirtuhai laia mi tuhai amanih Jerusalema inthawka hunghai chu a kuomah an hung inkhâwm a.

LUKA 15:2

Chun, Pharisaihai le Dân inchûktirtuhai chun, “Hi mipa hin mi suolhai a pâwl a, an kuoma hai bu a fâk ve hlak,” tiin an chier ve ve a.

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu ta a.

LUKA 5:21

Chun, Dân inchûktirtuhai le Pharisaihai chun, “Pathien hrilsie hi tu am a ni leh? Pathien chau naw chun tuin am suolhai a ngaidam thei a?” tiin an ngaituo a.

LUKA 5:30

Chun, Pharisaihai, an Dân inchûktirtuhai le chun a închûktirhai chungah an chier a, “Ieng dinga siedâwltuhai le mi suolhai lai in fâk a in dâwn am a na?” an ti a.

LUKA 6:19

Chun, a kuoma inthawka thilthawtheina suoka mi tin a sukdam pei leiin, mipui po po chun ama them an tum a.

LUKA 7:30

Pharisaihai le dânhretuhai ruok chu a kuoma baptisma lo chang tah an ni ve naw a, anni ta dinga Pathienin rem a iruotpêk chu an pawm nawh.

LUKA 8:46

Nisienlakhawm, “Tûin amanih chu a mi them a nih, thilthawtheina ka sûnga inthawkin a suok nghe nghe ti ka hriet a nih,” a ta.

JOHAN 3:10

Isûn a dawn a, a kuomah, “Israelhai inchûktirtu i ni si a, chuong chu i hriet naw maw?

JOHAN 3:21

Amiruokchu tûkhawm a thaw dik phawt chu, an thilthawhai Pathien leia thaw an ni ti ân langna dingin, varah an hung hlak,” a ta.

THILTHAWHAI 19:11

Chun, Pathienin Paula hmangin thilmak chungchuonghai a thaw hlak a.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

THILTHAWHAI 5:34

Nisienlakhawm, rorêltuhai lai chun, a hming Gamaliel, Pharisai, Dân hretu, mi po po laia hminginthangtak, mi pakhat chu a ngîr a, chuhai chu insuoktir phawt dingin thu a pêk a.