LUKA 4:40 - Pathien Lekhabu Inthieng (BSI)

⁴⁰ Chun, nisa tlâk ding laiin natna tum tuma na, damnaw nei taphawtin a kuomah an hung ṭhuoi a; chun, an rênga chunga chun kut ân nghat seng a, a sukdam ta pei a.

LUKA 4:40 ပူးပေါင်းရင်းမြစ်များ

MATTHAI 11:5

mitdelhai an mit a lo var tah, kebaihai kein an lâwn tah, phârhai an lo inthieng tah, nasêthai an na a lo var tah, mithihai keithoin an um tah, pasiehaiin Chanchin Ṭha thu hril an dawng tah.

MATTHAI 14:13

Chun, Isûn chu chu a hrietin, chutaka inthawkin thlalêr hmun tieng lawngin a tumin a fe ta a. Nisienlakhawm, mipuihai chun an hriet phingleh khuoa inthawk dâm chun kea fein an zui ta a.

MARKA 3:10

Mi tamtak a sukdam nghâl ta a; chuongchun, natna nei po po chun ama an them theina dingin an bûm tul tul a.

MARKA 5:23

“Ka naunu naupangte a thi vâng vâng a, a hung hara, a hung dam theina dingin, hunga a chunga i kut innghat dingin ka ngên che,” tiin a ngên ṭal a.

MARKA 6:5

Chun, mi damnaw tlâwmte chunga kut innghata a sukdam ti chau naw chu, chu hmuna chun thilmak dang hrim a thaw thei naw a.

THILTHAWHAI 19:12

Chuongchun, rawmawlhai amanih, a pang tâwk fênthuohai chu damnawhai kuomah an hung chawi a, an natnahai a bo hlak a, an sûnga inthawkin khawhrihai khawm an suok hlak a.

THILTHAWHAI 5:15

Chuongchun, mi damnawhai khawm kawtthlêrhaiah an zâwn dawk a, khumahai, puonphaahai an inzâltir a, “Peter fe malamin a hlimin a ṭhen bêk a hlie theina dingin,” an ta.