LUKA 4:32 - Pathien Lekhabu Inthieng (BSI)

³² chun, thuneitaka a hril leiin a thu inchûktir chu mak an ti hle a.

LUKA 4:32 ပူးပေါင်းရင်းမြစ်များ

MARKA 1:22

A thu inchûktir chu mak an ti hle a, Dân inchûktirtuhai ang lova, thuneina nei taka anni ân chûktir leiin.

LUKA 2:47

Chun, a thu hre taphawt chun a hrietzie le a dawnzie chu mak an ti hle a.

LUKA 4:33

Chun, inkhâwmna ina chun khawhri inthieng naw thlarau nei mi pakhat a lo um a; ama chu râwl inringtakin,

LUKA 4:36

Chun, an rêngin mak an ti hle a, “Hi hi ieng thu am a ni leh? Thu neitak le thilthawtheitakin khawhri inthieng nawhai thu a pêk a, an suok hi,” tiin an inbiek a.

JOHAN 6:63

Sukhringtu chu thlarau a nih, tisa chu ienga ṭhangkai a ni nawh; in kuoma thu ka hrilhai hi thlarau a nih, hringna khawm a nih.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

1 THESSALONIKA 1:5

khânga kan Chanchin Ṭha chu thu chaua tlung lova, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet si a.

TITA 2:15

Thuneitakin, chuonghai chu hril la, kâwk rawh. Tûkhawmin hmusit naw raw hai se che.