LUKA 4:22 - Pathien Lekhabu Inthieng (BSI)

²² Chun, an rêngin ama an inpâk a, a bausuok lunginsietna thu dâm chu mak an ti hle a. “Hi pa hi Josef naupa a ni naw am a nih?” an ta.

LUKA 4:22 ပူးပေါင်းရင်းမြစ်များ

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

INPÂKNA HLABU 45:4

Thutak le thuhnuoirawlna le felna leiin, I mawina inbelin, aitluongtakin sakawr chunga chuongin fe pei rawh. Chuongchun, i kut changtieng chun thil râpthlâktakhai ân chûktir ding che a nih.

THUVARHAI 10:32

Mi fel hmûrhai chun lâwm tlâkhai chu a hriet a, Mi khawhlo bau ruok chun khêlthu a sâk suok hlak.

THUVARHAI 16:21

Lungrila var chu mi var ti nîng a ta, Hmûrhai thlumna chun thiemna chu a sukpung.

THUVARHAI 25:11

A huntaka thu hril chu Tangkaraw leikhawrhaia rângkachak apple theirahai ang chu a nih.

THUHRILTU 10:12

Mi var baua thuhai chu a zainêm hlak a, Mi invêt hmûrhai ruok chun ama chu lem a tih.

HLAHAI HLA 5:16

A bausuok chu a thlum a, anih, dit a um pumhlûm el a nih; Hi hi ka hmangaitak chu a na, hi hi ka ruol chu a nih, Aw nangni Jerusalem naunuhai.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

LUKA 2:47

Chun, a thu hre taphawt chun a hrietzie le a dawnzie chu mak an ti hle a.

LUKA 2:48

Chun, a nu le pa chun ama an hmu chun mak an ti hle a, chuongchun, a nu chun a kuomah, “Ka nau, iengdinga hienga i mi thaw? Ngai ta, i pa le keiin thlaphângtakin kan zawng che a nih,” a ta.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 4:21

Chun, an kuomah, “Hi Pathien Lekha Thu hi vawisûn hin in ihrietah a hung tlung tah,” tiin a hril ṭan a.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 6:42

“Hi mipa hi Josef nau Isu a ni naw am a nih? A nu le Pa khawm ei hriet hi. ‘Vâna inthawka hung ṭum ka nih,’ iengti tia ti am a ni leh?” an ta.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

TITA 2:8

i thu hril indikzie dâm sawisêl ruol lo chu ân lang a, khing tienga ṭhanghai laia miin ei chunga thil ṭha naw hrim hril ding an hriet naw leia an inzakna dingin.