LUKA 3:38 - Pathien Lekhabu Inthieng (BSI)

³⁸ Ama chu Enos nau a na, Ama chu Seth nau a na, Ama chu Adam nau a na, Ama chu Pathien nau a nih.

LUKA 3:38 ပူးပေါင်းရင်းမြစ်များ

INṬANNA 2:7

Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

INṬANNA 4:25

Chun, Adam chun a nuhmei chu a pâwl nâwk a; chuongchun, ama chun naupasal a nei nâwk a, a hmingah Seth a sak a: “Pathienin Abel aiah chi thla dang a mi ruotpêk tah; Kaina chun ama a that ta si a,” a ti a.

INṬANNA 4:26

Chun, ama, Seth ngei khawm chun naupasal a nei ta a; a hmingah Enos a sak a; chuong lai chun mihai chun Lalpa hming chu an hung lam ṭan ta a.

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

LUKA 3:37

Ama chu Methusela nau a na, Ama chu Enok nau a na, Ama chu Jered nau a na, Ama chu Mahalalel nau a na, Ama chu Kainan nau a na,

LUKA 4:1

Chun, Isu chu Thlarau Inthiengin a sip a, Jordan vadunga inthawkin a kîr nâwk a, thlalêrah ni sâwmli Thlarau ṭhuoia umin Diebol thlêmin a um a.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.