LUKA 24:6 - Pathien Lekhabu Inthieng (BSI)

⁶ [Hitaka hin a um ta nawh, a tho nâwk tah;] Galili rama a um laia in kuoma a thu hril kha hre zing ro.

LUKA 24:6 ပူးပေါင်းရင်းမြစ်များ

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut ta a.

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MATTHAI 28:6

Hitaka hin a um ta nawh; a hril ang ngeiin a thonâwk ta a nih. A zâlna hi hung en hman ta u.

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk ta a, hi hin a um ta nawh; en ta u, an inzâlna hi.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktirtuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir ṭan ta a.

LUKA 24:34

“Lalpa chu a lo thonâwk takzet a nih; Simon kuoma khawm ân lâr tah,” an lo ti a.

LUKA 24:5

chun, an ṭi a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?

LUKA 9:22

“Mihriem Naupa hin thil tamtak a tuor ding a na, upahai, thiempu lalhai, Dân Inchûktirtuhai dit nawin a um ding a na, thatin a um ding a na, ni thum niah keithoin a um bawk ding a nih,” a ta.

LUKA 9:44

“Chuong thu chu in naah lût raw se, Mihriem Naupa hi mihriemhai kuta inmantirin a um ding a ni si a,” a ta.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho ta a; ama chu thina chel sawng ruol a ni naw leiin.

2 THESSALONIKA 2:5

In kuoma ka hung um lai khan chuong thu chu ka hril hlak cheu ti in hriet zing naw am a nih?