LUKA 24:39 - Pathien Lekhabu Inthieng (BSI)

³⁹ Ka kuthai, ka kephahai hi en ro; hi keima ngei kha ka ni hi! Mi them unla en ro; in mi hmu ang hin chu thlarau chun taksa le ru a nei ve nawh,” a ta.

LUKA 24:39 ပူးပေါင်းရင်းမြစ်များ

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.

LUKA 24:38

Chun, ama chun an kuomah, “Iengdinga in lunginzîng am? Iengdinga in lungrila ringhlâna a hung um am?

LUKA 24:40

[Chun, chu chu a hril zoin a kuthai, a kephahai an kuomah ân entir a.]

JOHAN 20:20

Chu chu a hril zo chun, a kut le a nâk an kuomah ân entir a. Chun, Lalpa chu an hmu chun inchûktirhai chu an lâwm ta a.

JOHAN 20:25

Chuongchun, inchûktir danghai chun a kuomah, “Lalpa chu kan hmu tah,” an ta. Nisienlakhawm, ama chun an kuomah, “A kuta thîr kilna serhai kha ka hmu a, thîr kilna serhaia chun ka kut pârhai ka khîk lûta, a nâka ka pur meu naw chun, ring naw ning,” a ta.

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring lovin um naw la, ring el rawh,” a ta.

THILTHAWHAI 1:3

Chu tirkohai kuoma chun rinum chu a tuor hnungin inhriettirna tamtakin hringin ân entir a, ni sâwmli zet an kuomah ân lâr a, Pathien ram thu a hril hlak.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza si a; chu nêka nasa chun, ei hringna dingin, thlarauhai Pa thu thuin ei um naw ding am a nih?

1 JOHAN 1:1

Hringna Thu a tîra inthawka um kha, kan nâhaiin kan ihriet kha, kan mithaiin kan ihmu kha, kan en zinga kan kuthaia kan them kha, chu chu chanchin chu;