LUKA 24:30 - Pathien Lekhabu Inthieng (BSI)

³⁰ Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.

LUKA 24:30 ပူးပေါင်းရင်းမြစ်များ

MATTHAI 14:19

Chun, hlo chunga ṭhung dingin mipui chu thu a pêk a, beiphêk panga le nga pahni chu a lâk a, vân tieng enin mal a sâwm a, a khawi a, beiphêk panga chu inchûktirhai kuomah a pêk a; inchûktirhai chun mipui kuoma chun an pêk a.

MATTHAI 15:36

Chun, bei pasari le ngatê chu a lâk a, lâwmthu a hril a, a khawi a, inchûktirhai kuomah a pêk a; inchûktirhai chun mipuihai kuomah an pêk a.

MATTHAI 26:26

Chun, an fâk laiin Isûn bei a lâk a, mal a sâwmpêk a, a khawi a; chun, inchûktirhai kuomah a pêk a, “La unla, fa ro, hi hi ka taksa a nih,” a ta.

MARKA 14:22

Chun, an fâk laiin Isûn bei a lâk a, mal a sâwm zoin a khawi a, an kuomah a pêk a, “La ro, hi hi ka taksa a nih,” a ta.

MARKA 6:41

Chun, ama chun bei panga le ngatê pahni chu a lâk a, vân tieng nghain mal a sâwm a, beiphêkhai chu a khawi a, mipui chu infâktir dingin a inchûktirhai kuomah a pêk a, ngate pahni khawm chu mi po po lai chun a sem a.

MARKA 8:6

Chun, mipuihai chu hnuoia ṭhung dingin thu a pêk a, chuongchun, bei phêk sari chu a lâk a, lâwmthu a hril zoin a khawi a; anni laia sem dingin a închûktirhai a pêk a; chuongchun, mipui lai chun an sem ta a.

LUKA 22:19

Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.

LUKA 24:29

Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût ta a.

LUKA 24:35

Chun, anni khawmin lampuia thil hung tlung le, bei a khawia, a hmêl an hung hrietziehai chu an hril ve a.

LUKA 9:16

Chun, beiphêk panga le nga pahni chu a lâk a, vân tieng enin mal a sâwm a, a khawi a, mipui hmaa sem dingin a inchûktirhai kuoma chun a pêk a.

JOHAN 6:11

Chun, Isûn beiphêkhai chu a lâk a, lâwmthu a hril zoin a ṭhunghai lai chun a sem a, chuong ang bawkin ngahai khawm chu an dit tâwkin a sem bawk a.

THILTHAWHAI 2:42

Chun, tirkohai inchûktirin, inpâwlin, bei khawiin, ṭawngṭaiin ṭhahnemngaitakin an um zing a.

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

THILTHAWHAI 27:35

Chun, chu thu chu a hril zoin bei a lâk a, mi po po hmaa chun Pathien kuomah lâwmthu a hril ta a; chun, a khawi a, a fâk ṭan ta a.