46 Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.
I kutah ka thlarau kân kawltir a, Aw Lalpa, thutak Pathien, nang chun i mîn tlan tah.
pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.
Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla ta a.
Chuongchun, Stephanin, “Lal Isu, ka thlarau la rawh,” tia Lalpa a ko laiin lungin an dêng mur mur a.
Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,
Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.