LUKA 23:43 - Pathien Lekhabu Inthieng (BSI)

⁴³ Chun, ama chun a kuomah, “Titakzetin ka hril che hi, vawisûn hin ka kuomah Paradisah um vêng i tih,” a ta.

LUKA 23:43 ပူးပေါင်းရင်းမြစ်များ

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

LUKA 19:10

Bohmanghai zawnga sandam dingin Mihriem Naupa hi a hung a ni hrim a nih,” a ta.

LUKA 23:42

Chun, “Isu, i ramah lala i hung phaleh, mi hre zing rawh aw,” a ta.

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta si a.

2 KORINTH 5:8

muongtakin ei um ka ti a nih, taksaa um lova Lalpa kuoma um ei nuom lem.

PHILIPPI 1:23

Chamlakin a ngaina hre lovin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk si a.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

THUPUONGSUO 2:7

Thlarauin kohranhai kuoma thu a hril hi na nei chun hre raw se. A hnetu taphawt chu Pathien Paradisa Hringna Thinga chu infâktir ka tih,’ tiin.