LUKA 23:4 - Pathien Lekhabu Inthieng (BSI)

⁴ Chun, Pilatin thiempu lalhai le mipuihai kuoma chun, “Hi mipa chunga hin iengkhawm suol ka hmu naw ie,” a ta.

LUKA 23:4 ပူးပေါင်းရင်းမြစ်များ

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân cha a.

MARKA 15:14

Pilat chun an kuomah, “Iengdingin am ie? Ieng am a suksuol leh?” a ta. Nisienlakhawm, anni chu, “Krawsah hemde rawh,” tiin an khêk zuol sau a!

LUKA 23:22

Chun, ama chun a vawi thumnaah an kuomah, “Ieng dingin am ie? Hi mipa hin ieng am a suksuol a? Thina khawp meu, a chungah iengkhawm ka hmu nawh; vuong ka ta, kân suo el ding a nih,” a ta.

JOHAN 18:38

Pilatin a kuomah, “Thutak chu ieng am a na?” a ta. Chun, chu thu chu a hril phingleh, Judahai kuomah a va suok nâwk a, an kuomah, “Iengkhawm a suol ka hmu nawh.

THILTHAWHAI 25:25

Nisienlakhawm, thina khawp rauin iengkhawm a thaw nawh ti ka hriet a; amiruokchu, ama hin Laltak kuoma intlun a tum leiin tir ka tum a nih,

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.