LUKA 23:33 - Pathien Lekhabu Inthieng (BSI)

³³ Chun, “Luru” an ti hmun chu an tlungin, chutaka chun krawsah an hemde a, mi suolhai leh, a changtieng pakhat, a vawitieng pakhat.

LUKA 23:33 ပူးပေါင်းရင်းမြစ်များ

INPÂKNA HLABU 22:16

Uihai chun an mîn huolvêl si a, Thil ṭha naw thawtu um khâwmhai chun an mîn huol tlat a, Ka kut le ka kehai hi an sukpawp a.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 20:19

nuiza siemna dinga hmang ding le, vuok ding le krawsa hemde dingin Jentailhai kuomah pêng an tih; chun, ni thum niin keithoin um a tih,” a ta.

MATTHAI 26:2

“Ni hni chenah Fekân ruoi a hung um ding a nih ti in hriet a, Mihriem Naupa hi hemde dingin an inmantir ding a nih,” a ta.

LUKA 24:7

‘Mihriem Naupa hi mi suolhai kuta inmantirin um a ta, krawsah hemdêng an ta, ni thum ni chun a tho nâwk ding a nih,’ a ti kha,” an ta.

JOHAN 18:32

(A thizie ding thu, Isûn a hril anga, a tlungna dingin).

JOHAN 3:14

“Chun, Mosiein thlalêra rûl a khai kâng ang khan, Mihriem Naupa hi khai kângin a um bawk ding a nih;

THILTHAWHAI 13:29

Chun, a thu zâwlneihaiin an ziek lâwk po po kha an hlen zo hnungin, thinga inthawk chu an lâk thlâk a, thlânah an inzâl ta a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

THILTHAWHAI 5:30

Nangnîn Isu thinga khaikângin in sukhlum kha, ei thlatuhai Pathienin a keitho nâwk tah a nih.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

DÂN PAHNINA 21:23

a ruong chu thinga chun zânkhawvârin a um ding a ni naw a, chu ni le le chun in phûm ding a nih; thinga khai taphawt chu Pathien ṭawngsephur an ni sih a, Lalpa in Pathienin hluo dinga a pêk cheu ram chu in sukpawrche nawna dingin.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.