LUKA 22:61 - Pathien Lekhabu Inthieng (BSI)

⁶¹ Chun, Lalpa chu a ngha a, Peter chu a en a. Peter chun Lalpain, “Vawisûn hin âr a khuong hmain vawi thum mîn phat i tih,” a kuoma a ti thu kha a hung hriet dawk nâwk ta a.

LUKA 22:61 ပူးပေါင်းရင်းမြစ်များ

JOB LEKHABU (THE BOOK OF JOB) 33:27

Mihai hmaa chun hla sak tâng a ta; ‘Ka lo suksuol ta a, ân dik chu ka lo fe hmangsan ta a, Anachu a mi hung thung kher naw a:

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

MATTHAI 26:34

Isûn a kuomah, “Titakzetin ka hril che, vawizân hin âr a khuong hmain, nangin vawithum mîn phat i tih,” a ta.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk ta a. Chun, a suok a, a ṭap ta ngâwi ngâwi a.

MARKA 5:30

Chun, Isu chun a sûnga thilthawtheina chu a suok ti a lo hriet a, mipui lai chun a ngha vêl nghâl ta a, “Tu am a na ka puon them kha?” a ta.

LUKA 10:41

Chun, Lalpain, “Martha, Martha, thil tamtak i ngaituoa i buoi a ni hi,

LUKA 22:34

Ama chun, “Peter, ka hril che hi, i mi hrietnaa hin vawi thum i mîn phat hmakhat chu vawisûn hin âr khuong naw ni,” a ta.

LUKA 22:60

Chun, Peterin, “Mihriem, i thu hril chu ka hriet nawh,” a ta. Chun, kârlovin, a ṭawng laitak chun âr a khuong nghâl ta a.

LUKA 22:62

Chun, a suok a, a ṭap ta ngawi ngawi a.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

LUKA 7:19

Chuongchun, Johan chun a închûktirhai pahni a ko a, Lalpa kuoma chun a tir a, “A hung ding chu i ni, mi dang am kan la ngai ding?” tiin.

JOHAN 13:38

Isûn, “Keima leiin i hringna i pêk ding maw? Titakzetin, ka hril che hi, nangin vawi thum i mîn phat hmakhat chu âr khuong naw ni.

THILTHAWHAI 5:31

Ama ngei kha Pathienin Lal le Sandamtua um dingin a changtieng a chawimawi tah, Israelhai suol insimtir ding le ngaidam dingin.

EPHESI 2:11

Chuleiin, hi hi hre zing ro: Inhmaa nangni pieng dâna Jentail, taksa kuta hmanga “Sertan” an tihaiin, “Sertannaw,” an tihai,

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.