LUKA 22:53 - Pathien Lekhabu Inthieng (BSI)

⁵³ Pathien biekina in kuoma ni tin ka um laihai khan mi man tumin in mi ban si naw a; nisienlakhawm, tuhi nangni hun a nih, inthim thuneina leh,” a ta.

LUKA 22:53 ပူးပေါင်းရင်းမြစ်များ

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk che a?” an ta.

LUKA 22:52

Chun, Isûn a kuoma hung thiempu lalhai, Pathien biekin hotuhai le, upahai kuoma chun, “Kâwlhnâmhai, hembâwkhai chawiin, suomhmang man ding ang elin in hung a ni maw?

LUKA 22:54

Chun, an man a, an ṭhuoi a, Thiempu Laltak ina chun an ṭhuoi lût ta a.

JOHAN 12:27

“Tuhin ka lungril a lunginzîng, ieng am hril ka ta aw? ‘Pa, hi huna inthawk hin mi sanhim rawh,’ ka ti ding am a nih? Ti lo e, hi ding lei taka hi, hi huna hi hung ka nih,

JOHAN 13:30

Chun, ama chun bei hlek chu a lâk a, a suok nghâl ta a; chu lai hun chu zân a nih.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

JOHAN 7:30

Chuongchun, ama chu man an tum a, nisienlakhawm, a hun a la tlung naw leiin tukhawmin a chungah kut an thlâk si nawh.

JOHAN 7:45

Chun, manmihai chu thiempu lalhai le Pharisaihai kuomah an hung nâwk a, chun, anni chun an kuomah, “Iengdinga in hung ṭhuoi naw?” an lo ti a.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

KOLOSSA 1:13

Ama chun inthim thuneinaa inthawka mi sansuokin, a Naupa hmangaitak rama chun a mîn kai tir ta a,