LUKA 22:52 - Pathien Lekhabu Inthieng (BSI)

⁵² Chun, Isûn a kuoma hung thiempu lalhai, Pathien biekin hotuhai le, upahai kuoma chun, “Kâwlhnâmhai, hembâwkhai chawiin, suomhmang man ding ang elin in hung a ni maw?

LUKA 22:52 ပူးပေါင်းရင်းမြစ်များ

2 LALHAI 11:15

Chun, thiempu Jehoiada chun sipai chunga hotua ruot sipai za hotuhai chu thu a pêk a, an kuomah, “Sipaihai kâra khan amanu kha insuoktir ro, tukhawm ama zui taphawt chu kâwlhnâma sât hlum ding nîng a tih,” a ta; thiempu chun, “Lalpa ina chu that ding a ni nawh,” a lo ti ta si a.

MATTHAI 26:47

Chun, a la hril lai zingin Juda, sâwmpahni hai laia mi pakhat chu, a hung tlung ta a, ama ruol chun thiempu lalhai le upahai kuoma inthawkin mipui nasatak, kâwlhnâm le hembâwk chawiin an hung tlung bawk a.

MATTHAI 26:55

Chu lai chun, Isûn mipuihai kuoma chun, “Kâwlhnâmhai, hembâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si naw a.

LUKA 22:37

Ka hril cheu hi, ‘Ama chu mi suol lai an tiem sa tah,’ ti ziek kha ka chungah a hung tlung ding a nih; ka chungchâng thuhai kha a tlung zo ding a ni tah,” a ta.

LUKA 22:4

Chuongchun, ama chu a va fe a, Isu ân mantir thei dân ding thuah thiempu lalhai le manmihai a va râwn a.

LUKA 22:51

Chun, Isûn a biek a, “Hi po hi ni raw se,” a ta, a nakâwr chu a them a, a sukdam ta a.

LUKA 22:53

Pathien biekina in kuoma ni tin ka um laihai khan mi man tumin in mi ban si naw a; nisienlakhawm, tuhi nangni hun a nih, inthim thuneina leh,” a ta.

JOHAN 17:12

“An kuomah ka um sûng khan, anni chu i hmingin ka hum hlak, i hming mi pêk khan, anni chu ka vêng a, anni lai pakhat khawm an bohmang nawh, bohmang naupa naw kha chu; Lekha thu kha a hung tlungna dingin.

THILTHAWHAI 5:26

Chuongchun, hotu chu manmihai le chun an va fe a, vântlâng an ṭi leiin tlangtakin an hung ṭhuoi a, chuong naw chun lunga dêng an ṭi a.