LUKA 22:41 - Pathien Lekhabu Inthieng (BSI)

⁴¹ Chun, lung dêng phâk chenah a tumin a va fe a; chun, a dingṭhaṭhuon a, a ṭawngṭai a,

LUKA 22:41 ပူးပေါင်းရင်းမြစ်များ

MATTHAI 26:39

Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni lovin, nangma thu thu ni lem raw se,” tiin a ṭawngṭai a.

MARKA 14:35

Chun, hmatieng chun a va fe met a, hnuoia chun a bawkkhup a, thaw thei ni sien chu chu hun chun ama khêl dingin a ṭawngṭai a.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

THILTHAWHAI 20:36

Chun, chuong ang thu chu a hril zo chun, a dingṭhaṭhuon a, an rêngin a ṭawngṭaipui a.

THILTHAWHAI 21:5

Nisienlakhawm, chuong ni zoa chun kan suok a, kan fe ta a, unauhai chun an rêngin, an nuhmei an nauhai leh khaw kâwl chenin an mi vân thla a; chun, tuipui panga chun kan dingṭhaṭhuon a, kan ṭawngṭai a.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil ta a. Saula khawm chun a thi chu a remti a.

THILTHAWHAI 9:40

Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai ta a; chun, ruong tieng chu a ngha a, “Tabitha, tho rawh,” a ta. Chuongchun, a mit a hung meng a, Peter chu a hmu phingleh a ṭhung ta a.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,